________________
૨૧૬
सुमइनाह-चरियं
तह वासुदेव-जणणीओ ताण मज्ो नियंति सत्तेव । बलदेव-मायरो पुण चउरो सुविणे पलोयंति ||१३६२।। मंडलिय-नरिदाणं चरमसरीराण तह य जंतूण | जणणीओ महा-सुविणं एक्वं वा दो व पेच्छंति ।।१३६३।। जं देवीए चउढ़स दिहाई इमाइं तेण जाणामो । सेसेहिं निमित्तेहिं य तित्थयरो तुह सुओ होही ||१३६४।। तो मेह-महीवइणा महंत-हरिसुल्लसंत-हियएण । संमाणिऊण सम्मं विसज्जिया ते गया स-गिहं ||१३६५।। सक्काएसेण सुरंगणाओ सेवंति मंगलादेवीं । वाउकुमार-वहुओ तीए पमज्जति वासहरं ||१३६६|| तं मेहकुमार-नियंबिणीओ गंधोदएण सिंचंति । उवुलच्छीओ वरिसंति तत्थ विविहं कुसुम-निवहं ।।१३६७।। दंसंति जोइसित्थीओ दप्पणं किन्नरीओ गायति । ण्हवण-विलेवण-पमुहं कुणंति वेमाणिय-वहुओ ||१३६८।। परचक्क-मारि-दुभिक्ख-रोग-पमुहा उवद्दवा तत्थ ।। देसम्मि समुवसंता रिद्धि-समिद्धा मही जाया ||१३६१।। गय-तुरय-रयण-कंचण-पयाण-पउणेहिं पत्थिव-सएहिं । तित्थयर-पभावेणं पणमिज्जइ' मेहराओ वि ||१३७०।। तीए लायन्न-सिरी विसेसओ वुडिमुवगया तइया । गोसे मइ व्व कइणो गिम्हे वेल व्व जलनिहिणो ||१३७१।। सा सहइ दिणयरेणेव तेण गब्भेण तम्मि समयम्मि । सरयम्मि पंडुरत्तं संपत्ता मेहमाल व्व ||१३७२| अम्हाण थन्नपाई होही जिणपुंगवो त्ति गरुएण' । हरिसेण व संपत्ता पओहरा तीए पीणत्तं ।।१३७३।। सविसेस-वियास-मणहराइं नयणाइं तीए जायाइं ।
वयण-कमलं जिणिंदस्स दहुमुक्कंठियाइं व ||१३७४|| इओ य तनयरि-वत्थव्वओ चंदो वाणिओ दोहिं भज्जाहिं समं दविणज्जणत्थं देसंतरं गओ । तस्स एक्वाए भज्जाए पुत्तो जाओ । दोहिं Jain Education International
For Private & Personal Use Only
www.jainelibrary.org
