________________
૨૧૮
सिरिसोमप्पहसूरि-विरइयं व्व सुर-सेवणिज्जो, रयणरासि व्व महग्यो, जलणो व्व पडिवक्खपयंग-दहणो तुह पुत्तो भविस्सइ ।
देवीए देव-गुरु-चलणाणुभावेण ‘एवं होउ' त्ति भणंतीए बद्धो उत्तरिज्जंचले सउण-गंठी । गया निय-वासभवणं देवी । चलियासणा समागया बत्तीसा वि सुरिंदा पणया अणेहिं सामिणी थोउमाढत्तातं धन्ना सि सलक्खणा सि सहलो माणुस्स-जम्मो इमो,
तुब्भं चेव सलाहणिज्ज-चरिया तं चेव निस्संसयं । जीए वदृइ कुक्खि-सिप्पपुडए सव्वन्नु-मुत्तामणी,
नित्तासो विमलो तिलोय-कमला-वच्छत्थली-भूसणं ।।१३५२।। माए उद्धरियं तए जयमिणं संसार-काराहरा,
लोए मोह-महंधयार-दलणो दिल्लो तए दीवओ । अम्मो ते पय-पंकयाई नमिमो गब्भम्मि तित्थंकरो,
जीए सीह-किसोरओ व्व वसए कम्मेभ-विद्धंसणो ||१३५३।। इय थोउं जिण-जणणी तीए कहिऊण तह जिणुप्पत्तिं । रयण-निहाणेहिं समंतओ वि पूरंति जिण-गेहं ||१३५४|| तो सुरवइणो नंदीसरम्मि सासय-जिणिंद-पडिमाणं । काऊण महा-महिम निय-निय-ठाणेसु संपत्ता ।।१३५५।। गोसे मेह-नरिंदो अणेय-सामंत-मंति-परियरिओ । तारय-जुओ व्व चंदो अत्थाण-सहाए उवविहो ।।१३५६ ।। हक्वारिऊण सक्कार-पुव्वयं सुविणपाढए राया । पुच्छइ सुविणाण फलं विभाविउं ते वि साहति ।।१३५७।। अंगं सुविणं च सरं उप्पायं भोममंतरिक्खं च । वंजण-लक्खणमेव य अह-पयारं इह निमित्तं ||१३५८|| सुविणय-निमित्त-सत्थे सामन्जेणं निमित्त-निउणेहिं । सुविणा सुहासुह-फला कहिया बावत्तरी तत्थ ||१३५१।। तीसा य अप्पसत्था बायालीसा य उत्तमा तत्थ । बायालीसा मज्झे तीसा भणिया महासुविणा ||१३६०।। तेसिं मज्यो चउदस तित्थयराणं तहेव चक्वीणं । गब्भावयार-समए सुविणे पिच्छंति जणणीओ ||१३६१।।
For Private & Personal Use Only
Jain Education International
www.jainelibrary.org
