________________
૨૧૭
सुमइनाह-चरियं
वयणं व अत्तणो हरिणनाहि-निम्मिय-कचोल-पत्तलयं । हरिणक-मंडलं कंति-पूर-परिपूरिय-दियंतं ||१३४१|| पसरंत-किरण-संदोह-दलिय-नीसेस-तिमिर-संभारं । दिवसब्भमं कुणंतं रयणीइ वि भाणुणो बिंबं ||१३४२|| पवण-पणुन्न-पडाया-पयलंत-भुओ तिलोयलच्छिं व । हक्वारंतो चल-कणिर-किंकिणी-कलरवेण धओ ||१३४३।। अंभोकुंभो अंभोय-भूसिओ सायकुंभ-संभूओ । अंभोनिहि-महणारंभ-संभवो अमय-कुंभो व्व ||१३४४|| थोउं जिण-गुण-निवहं मिलत-मत्तालि-जाल-मुहलेहिं । पउमेहं पवंचिय-चारु-वयण-विसरं व पउमसरं ॥१३४५।। विलसिर-अब्भंलिह-लहरि-मंडली-चुंबियंबराभोओ । उल्लासंतो सरयब्भ-विब्भमं खीर-नीरनिही ॥१३४६।। देवत्तणम्मि जं पुव्व-सेवियं सामिणा मणिविमाणं । तं चिय गुरुय-सिणेहेण आगयं वेजयंतं व ||१३४७|| किरण-कडप्प-पवंचिय-तियसिंद-सरासणो रयण-रासी । जिणमुह-ससि-सेवत्थं समागओ तारय-गणो व्व ॥१३४८।।
गहिऊण व तेयं तेयवंत-वत्थूण भासुरो दिहो । निभूमो जलणो सामिणीए वयणे पविसमाणो ||१३४१।। दहण इमे सुविणे पडिबुद्धा हरिस-निब्भरा देवी । पल्लंकं परिहरिउं संपत्ता राइणो पासे ||१३५०।। अमयं व उग्गिरंती परहुय-रव-पेसलेहिं वयणेहिं । मत्थय-कयंजलि-उडा कहेइ सुविणे नरवइस्स ||१३५१।। भणियं रन्ना
गओ व्व दाणाणुगओ, वसहो व्व धम्म-धुर-धरण-सहो, सीहो व्व सूरत्तण-लद्ध-लीहो, लच्छि व्व तेलोक्व-वल्लहो, कुसुमदामं व सुरासुरेहिं सिरुव्वूढ-सासणो, चंदो व्व कयाणंदो, सूरो व्व अपडिम-पयावपब्भरो, झओ व्व भुवण-भवण-भूसणो, पुन्नकुंभो व्व समग्ग-मंगलनिलओ, पउमसरं व्व संतावहारओ, सायरो व्व गुण-रयणायरो, विमाणं
Jain Education International
For Private & Personal Use Only
www.jainelibrary.org
