________________
૨૧૬
सिरिसोमप्पहसूरि-विरइयं सीलेण जीए रूवं विणएण पहुत्तणं समेण मई ।। दाणं पणएण विहूसिऊण विहिया गुणा सगुणा ||१३२८|| सोहग्गेण गणिज्जए गिरिसुया दासि व्व जीसे पुरो,
धूया नीरनिहिस्स धूलि-सरिसी ख्वेण लक्खिज्जए । लायनेण लहुत्तणं तणमिव प्पत्ता अणंगप्पिया,
सा केणावि कयाऽपरेण विहिणा सव्वोवमा-वज्जिया।।१३२९।। सो वसइ तीए चित्ते तस्स य चित्तम्मि वसइ सा देवी । रइ-मयणाण व तेसिं न विओगो होइ कइया वि ||१३३०।। पोलोमीए व सक्करस तस्स तीए समं रमंतस्स । रइ-सागरावगाढस्स कोइ कालो अइक्वंतो ||१३३१|| अह पुरिससीह-जीवो चुओ विमाणाओ वेजयंताओ । सावण-सीय-बीयाए महरिक्ख-गए मयंकम्मि ||१३३२।। मंगलदेवी-सरसीइ निच्च-विमलाइ कुविख-कमलम्मि । सुविसुद्धोभयपक्खो अवयरिओ रायहंसो व्व ||१३३३।। तम्मि समयम्मि भुवणत्तए वि जाओ खणं समुज्जोओ । दुक्खक्खएण सोक्खं च नारयाणं पि संपन्नं ||१३३४।। तीए च्चिय रयणीए महरिह-सिज्जा-गया सुह-पसुत्ता । नियइ चउदस-सुविणे सुमंगले मंगलादेवी ।।१३३५।। दंती उदग्गदंतो झरंत-भय-निज्रो धवलवन्नो । उत्तुंग-कुंभ-सिहरो केलासो जंगमो व्व गिरी ।।१३३६|| तसहो पीणक्खंधो धवलो चल-कणय-किंकिणीमालो । विलसंत-विज्जुलेहा-विराइओ सारओ व्व घणो ||१३३७।। सीहो ललंत-जीहो पिंगल-केसर-कडप्प-दिप्पंतो । उल्लालिय-नंगूलो सूरेसुब्भियपडाओ व्व ||१३३८।। देवी वि पउम-निलया पउम-मुही पउमपत्त-सम-नयणा । करिकर-पल्हत्थिय-कणयकलस-सलिलेहिं सिच्चंती ||१३३१।। दामं सुरपायव-पंचवन्न-कुसुमप्पवंच-चिंचईयं । परिमल-मिलंत-अलिउल-घण-वडले सक्वचावं व ।।१३४०।।
Jain Education International
For Private & Personal Use Only
www.jainelibrary.org
