________________
२११
सुमइनाह-चरियं
जं तरस पत्त-पडियं अमयाइ-रसं भवे कदन्नं पि । वयणं व दुविखएसुं जायइ अमयाइ-परिणामं ||१६||१२११।। अखीण-महाणस-लद्धिओ य थेवं पि बहुय-दाणे वि । तप्पत्त-पडियमन्नं न खिज्जए जिमइ जा न सयं ।।१७।।१२१२।। अक्खीण-महालय-लद्धि-संजुओ सो जओ असंख-जणो । तित्थयररस व परिसाए तस्स सम्माइ निब्बाहं ।।१८।।१२१३।। एगेण इंदिएणं सेसिंदिय-अत्थ-दसणं जत्थ । संभिन्न-सोय-लद्धी सा जाया तस्स महरिसिणो ||१५||१२१४|| जंघाचारण-लद्धीए एक्व-फालाए जाइ सो रुयगं । एक्लाए नंदीसरमेइ स-ठाणं तु बीयाए ||२०||१२१५।। एक्वाए फालाए मेरु-सिरं जाइ सो तओ चलिओ । एक्वाए नंदणवणे बीयाए एइ स-हाणं ||२१||१२९६|| सो विज्जालद्धि-जुओ एक्लाए माणुसुत्तरं जाइ । बीयाए फालाए वच्चइ नंदीसरं दीवं ||२२||१२१७।। तत्तो नियत्तमाणो एक्वाए चेव एइ स-हाणं । उटुं तु दोहिं फालाहिं जाइ एक्काए पुण एइ ।।२३।।१२१८।। सो आसीविस-इडीए निग्गहाणुग्गह-खमो जाओ । लद्धि-फलं न हु गिण्हइ तह वि निरीहो पुरिससीहो ।।२४||१२११।। सो सुद्ध-वासणावस-विसिह-कुसलोदओ समज्जेइ । तित्थयर-नामकम्मं वीसइ-ठाणेहिं एएहिं ||२५||१३00।। पढमं अरहंताणं तप्पडिमाणं च पूयणाइहिं । बीयं सिद्धाण सरूव-सद्दहण-कित्तणाइहिं ||१||१३०१।। तईयं बाल-गिलाणाइ-पालणे पवयणस्स वच्छल्लं । तुरियं गुरुण आहार-वत्थ-दाणाइ-पडिवत्ती ||२||१३०२।। पंचमयं बहुमाणो वय-पज्जायस्सुएहिं थविराण । छठं बहुस्सुयाणं अत्थाविक्खाए वच्छल्लं ।।३।।१३०३।। सत्तमयं वीसामण-पूयण-दाणाइणा तवरसीपं । अहमयं उवओगो निच्चं सुत्तत्थ-नाणस्स ||४||१३०४।।
Jain Education International
For Private & Personal Use Only
www.jainelibrary.org
