________________
२१०
सिरिसोमप्पहसूरि-विरइयं तरस य खेललवेण वि देहं कुद्दुयं पि देहीणं । कोडीवेह-रसेण व तंबं संपज्जइ सुवन्नं ।।२।।१२७७।। कत्थूरिया-परिमलो मलो तयंगरस सव्व-रोगहरो । अमएण व कर-फरिसेण तस्स रोगा खयं जंति ।।३।।१२७८।। तस्संग-संगि-सलिलं रवि व्व तिमिरं हरेइ रोगभरं । तस्संग-लग्ग-पवणेण जंति विलयं विसप्पमुहा ||४||१२७१।। विस-दूसिय-मत्ताइ तं मुहपत्तेसु निव्विसं होइ । तव्वयण-मंत-सवणेण समइ सव्वो वि सवियारो ||५||१२८०।। नह-केसाइ तदंगं जं जं रोगीण ओसहं तं तं । अणिमा-गुणेण संचरइ सो य सूईए रंधे वि ||६||१२८१।। सुरसेलाओ महंतं करेइ महिमा-गुणेण सो रुवं । लघिमा-गुणेण लंधिज्ज लाघवं सोऽनिलसावि ||७||१२८२।। गरिमा-गुणेण दसहं सक्काइएहिं पि तस्स गरुयत्तं । पवण-सत्तीए छिवेज्ज मेरु-सिरमंगुलीए सो ||८||१२८३।। सो पाकम्म-गुणेणं भुवीव नीरे जले व्व भुवि चरइ । सो इस्सरिय-गुणेण चक्विंद-सिरि खमो काउं ||१||१२८४।। तस्स वसित्त-गुणेणं पसमं कूरा वि जंतुणो जंति । अप्पडिघाइत्त-गुणेणं सेल-मझो वि सो कमइ ||१०||१२८५।। अंतद्धाण-गुणेणं एसो पवणो व्व जायइ अदिस्सो । रूवेहिं कामरूवित्तणेण सो पूरइ जयं पि ||११||१२८६।। एगत्थ-बीयउगेण अत्थ-बीयाइं जत्थ जायंति । सा विय बुद्धि-रिद्धी संजाया तस्स वर-मुणिणो ||१२||१२८७।। सो धरइ कुट्ठ-बुद्धी कुठे धन्नं व अक्खयं सुत्तं । एग-पयाओ वि गिण्हइ गंथं पि पयाणुसारी गं ||१३||१२८८।। अवगाहइ सुय-जलहिं अंतमहत्तेण सो मणोबलिओ । सो वायाबलिओ तं गुणेइ अंतोमुहुत्तेण ||१४||१२८१।। सो कायबली पडिमं चिरं पवनो वि जाइ न किलेसं । सो अमय-खीर-महु-घय-आसवलद्धी तहा जाओ ||१५||१२१०।।
Jain Education International
For Private & Personal Use Only
www.jainelibrary.org
