Sumainahchariyam

SR No.: 001386
Original Sutra Author: Somprabhacharya
Author: Ramniklal M Shah, Nagin J Shah
Publisher: Prakrit Text Society Ahmedabad
Publication Year: 2004
Total Pages: 540
Language: Prakrit
Classification: Book_Devnagari, Literature, & Story
File Size: 8 MB

Page 232

सुमहनाह-चरियं
૨૦૧
गओ राया आस- वाहणियाए । लीलावईए य विवित्त-निज्जूहम्मे ठियाए दिसावलोयण - समयम्मि दिट्ठो रायमग्गवत्ती देवयाययणं पत्थिओ विमलमइ - सत्थवाह - पुत्ती सुहंकरो नाम जुवाणओ । तं च दहूण अविवेय-सामत्थो अब्भत्थियाए गामधम्माणं समुप्पन्नो तीए तस्सोवर्रि अहिलासो । पलोइओ सविब्भमं । एसा वि समागया तस्स दिहिगोयर, निरूविया मोह- दोसेण साहिलासं । 'अहो चित्तन्नुओ ।"त्ति परितुट्ठा लीलावई । कीलिओ व्व मयणबाणेहिं ठिओ एग - देसे । लीलावईए भणिया अभिन्न-रहस्सा जालिणी नाम चेडी - 'हला ! दुन्निवारो मयण-पसरो, ता आणेहि एयं जुवजण सिरोमाणिक्कं ।' 'सुवुब्भावयाणि एत्थ वइयरे कामि हिययाइं' ति परिभाविऊण गया सा । आणिओ अणाए इमो । पवेसिउं कहं पि वासहरे उवविट्ठो पल्लंके | पणामियं से लीलावईए तंबोलं । अद्ध-गहिए य तम्मि सुओ बंदि - कलयलो । 'समागओ राया'त्ति भीया लीलावई । 'न एत्थ अन्नी उवाओ । 'त्ति पवेसिओ वच्चहरए सुहंकरो । पविट्ठो राया । उवविट्ठो पल्लंके । ठिओ कंचि वेलं | भणियं अणेण 'अरे । सद्दावेह वारियं । पविसामो हत्थवखालयं । सद्दिओ वारियं । सुयमिणं सुहंकरेण । 'नियमओ वावाइज्जामि । 'त्ति अच्चंत भीएण जीविय-लुदेण अगाहे गाढंधयारे अच्चंत दुग्गंधि- किमिकुल संकुले वच्च कूवे पवाहिओ अप्पा | निवडिओ आकंठं असुइ-मज्झे । किलामिओ किमीहिं । निरुद्धो से दिद्वि-पसरो । संकोडियं अंगं । उइन्ना वेयणा । आउलीहूओ दढं । गहिओ संमोहेणं ।
દર
—
-
इओ य सो राया पच्चुवेक्खियं अंगरक्खेहिं पविडो वच्चहरयं । कया सरीरठिई । निग्गओ वच्चहरयाओ । ठिओ लीलावईए सह चित्तविणोएण । अइक्कंतो वासरो । ठिओ अत्थाइयाए राया । एत्थंतरे निरूवाविओ सुहंकरो लीलावईए । न दिट्ठो तत्थ । भणियं अणाए- 'हला जालिणि ! कहियं पुण भविस्सइ ?' । तीए भणियं - 'देवि ! भयाभिभूयत्तेणं पवाहिऊण अप्पाणयं वच्चकूवे मओ भविस्सइ ।' लीलावईए भणियं- 'एवमेयं, अन्नहा कहं अदंसणं ?' ति अवगया चिंता । इओ य सो सुहंकरो तम्मि वच्चकूवे तहा- दुक्ख - पीडिओ भविव्वया - नियोएण विचित्त कम्म वसवत्ती असुइ-रसपाण- भोयणे गमिऊण कंचि कालं, विसोहण-निमित्तं फोडिए वच्चहरए असुइ