________________
२०६
सिरिसोमप्पहसूरि-विरइयं इय कुट्टणीए सोउं विडंबणं लोभ-तरलिय-मणाए । मा परभव-सुह-लोभेण चयसु लद्धं तुम पि सुहं ।।१२६०।। जणणी-जणणाणं बंधवाण मित्ताण तह कलत्ताणं । नेहभर-निब्भराणं कुणसु सिणेहं पिय ! तुमं पि ||१२६१|| जं चिर-परिचियमेयं चयसि तुमं तं अईव-साहसिओ ।
सहवास-वडिया तरुवरा वि दुक्खेहिं मुच्चंति ।।१२६२।। कुमारेण भणियं- 'भद्दे ! नेहो राहु-मुहं विवेय-ससिणो दोसंबु-नीरायरो,
नेहो मोह-महोरगस्स विवरं वेरग्ग-सेलासणी । नेहो पावभरंधयार-रयणी पुन्नमाणं दवो,
नेहो दुव्ववसाय-साइणिकुल-क्वीला-मसाणत्थली।। १२६३।। नेहो सोय-पिसाय-सुन्न-नयरंऽहिंसा-धरित्ती महा
कालो सच्च-सरोरुहाण तुहिणं संवेय-मेहानिलो । कंदप्पप्पहुणो विलास-भवणं दुक्खंकुराणं जलं,
सव्वाणत्थ-पुरप्पवेस-सरणी सग्गापवग्गग्गला ||१२६४।। इय नेह-सरुवं जाणिऊण नेहो न होइ कायव्वो 1 पुरिसेणं बुद्धिमया, को जाणतो विसं खाइ ?||१२६५।। अवि यअहियं पि पयहावइ जो जं को तस्स तं पइ सिणेहो । एत्थ य सुहंकरं पइ नेहे लीलावई नायं' ||१२६६|| रयणमंजरीए भणियं- 'सामि ! को सो सहकरो ? का वा लीलावई ?' कुमारेण भणियं'इह कामरूव-विसए सविसेस-समुल्लसंत-सुहविसए । पुहइ-पुरंधीए विसेसयं व पुरमत्थि मयणपुरं ||१२६७।। अरि-करि-कुंभ-वियारण-समय-समुच्छलिय-मुत्तिय-कुलेहिं । कय-जयसिरि-सिंगारो पज्जुल्लो अत्थि तत्थ निवो ||१२६८।। तस्स य दइया लीलावई त्ति जा देह-किरण-दंडेहिं ।
सम्मग्ग-गमण-खलणं व काउमब्भुज्जया लोए ||१२६१।। ताणं च विसय-सुहमणुहवंताण अइक्वंतो कोइ कालो । अन्नया
For Private & Personal Use Only
Jain Education International
www.jainelibrary.org
