Page Text
________________
सुमनाहचरियं
चिंताए गमेइ दिणाई |
अन्नया कुट्टणी-वयणओ पुट्ठो मगहाए वरसेणो५३- 'ववसायं विणा कहं तुह दव्वं ? 'ति । अइ-निब्बंधे कए कहियं सरल-सहावत्तणेण सव्वं सच्चं संजोइयं । सरय-पाणेण कारिओ कुट्टणीए वमणं । पडिच्छियं थाले चूय- फलं । तं गहिऊण निस्सारिओ घराओ वरसेणो १५४, चिंताउरो य परिब्भमंतो पत्तो मज्झिम - रयणीए पुर-बाहिर सुन्न - देउले १५ । तत्थ य चउरो चोरा मोस - विभयणत्थं कलहायंता चिडंति । तो कुमारेण कया तक्कर-सन्ना । ‘तक्करो' त्ति हक्कारिओ तेहिं । निवेसिओ पासे पुट्ठो जहा'अम्ह तिन्नि वत्थूणि कंथा लउडो पाउया य ।' कुमारेण भणियं - 'किं सिज्जइ पओयणमिमेहि ?' तेहिं भणियं- 'एक्केण सिद्धेण मसाणे छहि मासेहि आराहिया विज्जा देवया । तीए तुहाइ दिन्नाई तिनि वत्थूणि । कहियं देवया तत्थ इमं- 'पइदिणं कंथाए झाडिज्जंतीए पडंति पंचरयण-सयाणि । लउडेणं उवरि भामिएणं न पहवंति पहरणाई । पाउयाहिं परिहियाहिं गमए समीहिय- प्पएसे ।' अम्हेहि वि हेरिऊण छम्मासं वावाईऊण सिद्धं तिन्नि वि गहियाई इमाई, ता तिन्नि वत्थूणि चउरो चोर त्ति विभयणं न घडइ' त्ति । कुमारेण भणियं किमित्थ जुज्झेणं, निहारेमि अहं तुम्ह विवायं' ति भणिऊण गहिओ लउडो कंथा य पट्टोलियाइ, खणं खित्ताओ पाऊयाओ चलणेसु, उप्पइओ गयणे । गओ नयर- बीयभाए । चोरा वि विलक्खा [ गया ] निय-निय - ठाणेसु ।
1
196
कुमारो वि पइदिणं कथं झाडिऊण गिण्हइ पंच - रयण-सए । वेसंतरं काऊण पविट्ठो नयर - मज्झे । रमेइ जूयं । करेइ विलासे । दिट्ठो कह वि कुट्टणी | गया गिहं । कहिओ एसी मगहाए । तो सा कुट्टणीए १५६ नियंसाविया सेय- वत्थाइं विरइय-वेणिदंडा नीया कुमर-पासे, भणियं च- 'वच्छ ! मए पावाए निसारिए तुमम्मि मगहा तुह विरहे रोयंती एवं ठिया ।' इच्चाइ कवड वयणाइं सोऊण चिंतियं कुमारेणं- 'पुणो वि मंडियं रंडाए किंपि कूडं । होउ । भलिस्सामि ।'त्ति पणमिऊण भणिया'जुत्तमिणं तुह धूयाए । किं इयाणिं करेमि ? । तओ नीओ निय- घरं । कइवय-दिण-पज्जंते य पुच्छिओ कुमारो कुट्टणीए १५८ - 'वच्छ ! कहं तुह दव्वुप्पत्ति ?' ति । तेण भणियं जहा- 'अंब ! पाऊयारूढो उप्पयामि गणे । हरिऊण दविणं देसंतराओ आणेमि । कुट्टिणीए भणियं- 'जइ एवं
Jain Education International
२०३
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |