Page Text
________________
૨૦૦
सिरिसोमप्पहसूरि - विरइयं
करेइ । अम्हे पुण अपुन्ना किं करेमो ? 'ति । अन्नया चाउम्मासय-दिणे निय - सिहिणा जिणभवणं अप्पियाइं कुसुमाइं जिण-पडिम- पूयणत्थं । न गहियाइं तेहिं, भणियं च- 'जस्स कुसुमेहिं पूया धम्मो वि तरसेव, चेडिय च्चिय अम्हाण केवल' त्ति । पन्नविया सेद्विणा । जाव न पन्नप्पंति ताव नीया गुरु- समीवे । भणिया गुरुणा- 'किं न कुसुमेहिं पूयह जिणं ?' तेहिं वुत्तं- 'निय - धणेहिं चेव पूएमो, तं च अम्ह नत्थि' । एक्केण वुत्तं- 'अत्थि मज्झ वराडयाणं पंच- वुड्डियाओ । थोवमेयं ति न पयट्टए मणं ।' गुरुणा वुत्तं- 'सत्तीए थेवं पि दितो विउलं फलं लहइ । सुद्धो भावो चेव धम्मे पमाणं ।' तओ तेण कवड्डएहिं किणिऊण कुसुमाई कया जिणपूया | इयरेण चिंतियं- 'एयस्स ताव एत्तियं पि धणं जायं । मह पुण इमं पिनत्थि । ता किं करेमि ?'त्ति चिंतंतो पेक्खए पच्चक्खाणं कुणंतं सावय-जणं । भणइ गुरुं- 'भयवं किमेवं पि कए होइ धम्मो ?' गुरुणा वुत्तं- 'बाढं ।' कओ तेण उववासी । गओ गिहं । चिंतिउं पवत्तो- 'जइ अज्ज साहुणो इंति ता अहं निय-भोयणं तेसिं देमि, जओ तं निय-भूओवज्जियं दिन्नं बहु- फलं होइ ।' त्ति चिंतयंतस्स गुरुगिलाणाइ - वेयावच्च-कज्जेण जेहिं उववासो न कओ समागया ते साहुणी । ताणं च पवडमाण- परिणामेण मग्गिऊण दिन्नं निय-भोयणं । बद्धं सुह - फलं पर- भवाऊयं ।
इओ य कलिंगवई सूरसेणी राया गोत्तिएहिं हरिय-रज्जो कुरुदेसे गयपुराहिव - निवं अलग्गइ । लद्धा तेण चत्तारि गामा । तत्थ सालिसीसे गामे वसंतस्स विजयाए देवीए कुक्खिम्मि साहु-दाण- दाया मरिऊण पढमं उप्पन्नो पुत्तो, “जिणपूयओ बिईओ पुत्तो । जेट्ठो अमरसेणो, कणिट्ठो ३१वरसेणो त्ति कयनामा । पुव्व सुकयाणुभावओ रूव-लावण्णगुणोववेया जाया, गहिय-कलाकलावा य पत्ता जोव्वणं । विविहकीलाहिं कीलंता ईओ तओ परिब्भमंति विभूईए । सवत्ति - माया ईसाए कोवहरयं पविद्वा । अलग्गाए आगएण भत्तारेण पुट्ठा, निबंधे य सिहमणाए जहा- 'जद्दिणाओ तुमं ओलग्गिउं गओ तद्दिणाओ चेव संभोग - निमित्तं उवसग्गिया हं तुह सुएहिं । निय- दढत्तणेण गमियाइं एत्तियाइं दिणाई | संपयं जं तुह जोत्तं तं करेसु त्ति सुणिऊण कुविएण रन्ना हक्कारिऊण भणिओ मायंगो- 'अरे ! गाम-सीमाए तुरए वाहंता कुमारा चिडंति, ता तेसिं सीसे निय मायंगेहिं समं गंतूण गिण्हाहि ।' ति ।
Jain Education International
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |