________________
१११
सुमइनाह-चरियं
नेमि तुमं देसंतरमिमाओ रनो न जत्थ भयमस्थि । होहिसि मा पभावेण तत्थ निच्चं तुमं सुहिओ ।।' १२३५।। इय जंपिऊण सो बद्ध-परियरो मंतिणा समं चलिओ । वसण-समुद्धरणं चिय कसवट्टो मित्त-भावस्स ।।१२३६।। तेण सह पव्वमित्तो गंतुं पुर-परिसराओ विणियत्तो । जोहारमित्त-जुत्तो मंती वंछिय-पुरं पत्तो ।।१२३७।। जोहारमित्त-माहप्पओ य वंछियपुरस्स नरवइणो । सम्माणिऊण ठविओ मंति-पए सो सुहं वसइ ।।१२३८।।
एस दिहंतो, उवणओ पुण- 'जहा खिइपइट्ठियं नयरं तहा संसारो । तत्थ जो जियसत्तू-राया सो सच्छंद-विलसणसीलो मच्चू । जो सुबुद्धी अमच्चो सो विवेयवंतो भव्वजीवो | जो सहखाणपाणो निच्चमित्तो सो सरीरं, रुम्मि मच्चु-नरिंदे जीवेण समं पयं पि न चलइ । जो पव्वमित्तो सो सयणगणो सुमरंतो तस्स उवयारं नयर-सीमंतमणुव्वयइ । जो जोहारमित्तो सो धम्मो, सो य सहाओ होऊण वंछियपुरं सग्गापवग्गपरं पराणेइ, तप्पभावेण च निच्चं सुही होइ जीवो त्ति ।'
'सुहलालियं पि सुहपालियं पि सुहवडियं पि देहमिणं । विहडइ परलोय-पहे ता पालिज्जउ कहं भद्दे ?||'१२३१||१४|| एत्थंतरे रयणमंजरीए भणियं‘पत्ते वि इमे भोए मोत्तूण अणागए वि मग्गंतो |
अइ-लोभ-परवसो कुदृणि व्व नूणं किलिसिहिसि ।।१२४०।। कुमारेण भणियं- 'का सा कुट्टिणी ?' रयणमंजरीए भणियं'अत्थि इह भरहवासे उसहपुर-वरपुरं सुरपुरं पि । हसमाणं पिव जं सहइ धवल-पासाय-कंतीहिं ||१२४१।। अभयंकरो ति सेही अत्थि तहिं जस्स विहव-वित्थारं |
अवलोइऊण लोया मणंति समणं व वेसमणं ||१२४२|| तस्स कुसलमई भज्जा | ताण घरे दुवे कम्मयरा । ते जिणपूयामुणिदाणाइ-धम्म-निरयं दहण सिडिं चिंतंति- 'धन्नो इमो, जो एवं धम्म
Jain Education International
For Private & Personal Use Only
www.jainelibrary.org
