________________
१७८
सिरिसोमप्पहसूरि-विरइयं अह मंती रायकुले गंतुं पणमेइ नरवरं जाव । ता कोवारुण-नयणो अब्जाभिमुहो इमो जाओ ||१२२१।। तो जाणिऊण कुवियं निवइं तत्तो विणिग्गओ मंती । किंपि मिसं काऊणं गओ घरं निच्चमित्तस्स ।।१२२२।। सो तं इंतं दडं विसन्न-वयणं विचिंतए एवं । 'नूणं इमस्स कुविओ राया तेणिक्कओ एइ ।। १२२३।। तो नासिउं पवत्तो घरस्स मज्झम्मि मंतिणा दिहो । भणिओ य- 'मित्त ! राया मह कुविओ कुणसु साहिज्जं ।।१२२४|| वच्चामो देसंतरमहं तमं दो वि लंधिमो वसणं ।' सो भणइ सुहु भीओ- 'नीहरसु तुम मम गिहाओ ||१२२५।। मा तुज्या कए सुंदर-कुडुंब-सहिओ अहं पि विणसिरसं ।' इय निच्चमित्त-वयणेहिं दूमिओ निग्गओ मंती ॥१२२६।। पत्तो य पव्वमित्तस्स मंदिरं सो वि पेच्छिउं मंतिं । दंसइ किंचि सिणेहं, कहइ सो तस्स निव-कोवं ।।१२२७।। तो भणइ पव्वमित्तो- 'इह जाया पसरिया य सयणेहिं । न तरामो तुमए सह अम्हे देसंतरं गंतुं ||१२२८।। किंतु निय-नयर-सीमं वोलावेमो' त्ति जंपिउं चलिओ । सचिवेण समं सचिवो वि चिंतए तो विसन्न-मणो ||१२२१।। 'चिरमुवयरिएहिं पि य इमेहिं मित्तेहिं ताव उवयारो । मज्ा न को वि हु विहिओ हा ! सुकयं पम्हुसंति खला ।।१२३०।। तईओ वि अत्थि मित्तो तस्स गिहं जामि तं पि पिच्छामि । जइ पुण सो साहिज्जं करेज्ज मह वसणवडियरस ।।१२३१।। इय चिंतिऊण जोहारमित्त-गेहम्मि जाव संपत्तो । ता दहण दूराओ हात्ति अब्भुडिओ तेण ||१२३२|| पडिवत्तिं काऊणं भणियं- 'आगमण-कारणं किं ते ?।' तो मंतिणा वि कहिओ सव्वे वि हु तस्स वुत्तंतो ||१२३३।। तेणावि भणियमेयं- 'भयं नरिंदस्स कुणसु मा मित्त ! ।' जं तुज्या मइ सहाए पवणो वि न वच्चए उवरिं ।।१२३४।।
Jain Education International
For Private & Personal Use Only
www.jainelibrary.org
