________________
११५
सुमइनाह-चरियं सावगो तेण पएसेण आगच्छइ । सो तेण सलिलं मग्गिओ । सावएण भणियं- 'देमि अहं जइ अरहंत-नमोक्कारं कुणमाणो अच्छसि, जाव अहं सलिलं आणेमि ।' तेण 'तहत्ति पडिवन्नं । आणियं रायपुरिसाणुनाएण सावएण सलिलं । दहण सावयं सुहयरं 'नमो अरहताणं' ति पढंतो मओ । ताहे नमोक्कार-पभावेण अकाम-निज्जराए य निस्सीलो वि वाणमंतरो देवो जाओ । सा वि महिला तेण चोरेण सह संपत्थिया । ताणं च अंतरे नई समावडिया । तत्थ सो चोरो महिलं आलवइ- ‘एसा नई सिग्घवेगा, ता तुमं वत्थाइयं च न जुगवं उत्तारियं सक्केमि, अओ तुम इमम्मि कूले सरत्थंबावरिय-सरीरा इमं अंग-लग्गं वत्थाभरणजायं अप्पिऊण ताव अच्छ जावाऽहं परिवाडीए उत्तारेमि ।'तीए भणियं- ‘एवं होउ ।' तेण सव्वं उतारिऊण चिंतियं- 'जा एसा निययं भत्तारं मारावेइ सा मे कहं पिया भविस्सइ ?'त्ति पत्थिओ । तीए वुत्तो- 'कीस मं उज्झिाउं जासि ?' 'बीहेमि ते'भणंतो गओ अंदसणं । सा वि जहाजाय-सरीरा सरत्थंबे पवेसिऊण ठिया । इयरो वाणमंतरो ओहिं पउंजित्ता पलोएइ जाव तं पेच्छइ एयावत्थं, तओ जायाणुकंपेण तेण संबोहणत्थं जंबुओ विणिम्मिओ । तेण मंसपेसी मुहे गहिया । इओ य मच्छो जल-मज्झाओ उच्छलिऊण नइ-तीर ठिओ | जंबुओ वि 'मंसं मुहाओ मोत्तूण मच्छं गिण्हामि' त्ति पहाविओ । सो य मच्छो जले पविहो, मंसपेसी वि गयणाओ ओयरिऊण विउव्वियाए सउलियाए गहिया । ताहे सो जंबुगो उभय-भट्ठो अच्छइ । तीए महिलाए भणियं_ 'मंसपेसी चइत्ताणं मीणं पत्थेसि दुम्मई ।।
चुक्लो मीणस्स मंसस्स कलुणं झायसि जंबुगा ! ||१११४।। जंबुगेण भणियं'कामारयं पई मुत्तुं जारं पत्थेसि बंधकी ! ।
चुक्का पइस्स जारस्स कलुणं झायसि संपयं ||११९५||
सा सुटुयरं भीया 'किमेयं ?'ति । ताहे वाणमंतरो अप्पणो रूवाइसय-विभूइं दंसिऊण निय-वुत्तंतं कहेइ । भणइ य - ‘पावे ! तं तहा पावमायरियं । तं पि मे नमोक्कार-प्पभावेण गुणाय परिणयं, ता इण्हेिं पि जिणसासणं पवना धम्म कुणसु' । तीए ‘तह' त्ति पडिवन्नं । तेण य साहणि-समीवं नेऊण पव्वाविय त्ति ||१३||
Jain Education International
For Private & Personal Use Only
www.jainelibrary.org
