Page Text
________________
सुमहनाह-चरियं
निरूविउं (ओ) अंतेउरे । पडिवण्णमणेण । अइक्कंतो कोइ कालो ।
I
११३
अन्नया एक्का रायपत्ती तं रक्खपालं पलोयंती उट्ठेइ निवज्जइ य । दिट्ठा तेण । किं पुण इमा एवं करेइ ? 'त्ति कवड - निद्दाए पसुत्तो । तीए चिंतियं 'सुत्तो सो'त्ति गवक्खंतेण पयट्टा । तस्स य गवक्खस्स हेट्ठे रन्नो इो गयवरो बज्झइ । तस्स जो मिंठो तेण सह सा अच्छइ त्ति पत्ता गवक्खं पडिच्छिया हत्थिणा सुंडाए । मुक्का भूमीए । मिंठेण वि 'चिराओ आगय'त्ति ताडिया इमा संकलाए । तीए भणियं - 'नाह ! मा पहणसु, जओ अज्ज कोवि अंतेउर - रक्खगो रन्ना कओ जो न सुयइ चेव ।' रमिऊण ""मुक्का तेण पच्छिम राईए । हत्थिणा सुंडाए चेव चडाविया गवक्खं । गया वासहरं । एवं च सव्वं निहिसारेण दिडं, चिंतियं च'अहो ! महिलियाण विसमं चरियं' ति । एवं पि उवरि-भूमीए रक्खिज्जंती एसा एरिसमायरइ, ता सोहणाओ अम्ह वहुओ, जाओ पाणियाइ - कज्जेसु निग्गयाओ पुणो वि गेहं इंति' त्ति अमरिस- चिंताविमुक्का सुत्तो सो, उग्गए वि सूरे न उट्ठेइ । कहियं चेडीहिं रन्नो- 'अज्ज वि सो थेरो सुयइ ।' रन्ना चिंतियं- 'कारणेण एत्थ होयव्वं, ता न उवेयवो सो । निद्दाखय-पडिबुद्धं मम समीवं आणेज्जह ।' सत्त-रत्तपज्जेते निद्दा-खए आणीओ निहिसारो । वुत्तो रण्णा- 'किं निमित्तं तुह एरिसी निद्दा आगया ?' तेण भणियं- 'अभयं देह ।' रन्ना भणियं'अभयं तुह । 'तओ तेण सव्वं कहियं । 'का सा देवि त्ति जाणसि ?' तेण भणियं - 'न याणामि, परं संकला - घाएण नज्जिहि । 'ति । कयं रन्ना माइद्वाणं । काराविओ किलिंज- हत्थी । सद्दावियाओ देवीओ भणियाओ'दिट्ठो मए दुस्सुविणी । तप्पडिघायणत्थं आरुहिय सुंडाए हत्थिं ओयरह पुच्छ-भाएण' त्ति । पडिवन्नमेयं एयाहिं । सा एक्का मायाविणी भणइ'बीहेमि अहं हत्थिस्स ।' रन्ना उप्पल-नालेण आहया । कवडेण मुच्छिया, निवडिया धरणिवट्ठे । चिंतियं रन्ना- 'एसा सा दुरायारा' । निरूविया से पट्ठी । दिट्ठा संकला-घाया । हसिऊण भणियं -
I
1
'खेल्लसि सुंदरि ! मत्त कुंजरे तह बीहेसि किलिंज - कुंजरे । तत्थ न मुच्छिय संकलाहया एत्थ य मुच्छिय उप्पलाया ।। ११९३।। कुविएण रन्ना सद्दाविओ मिंठो । आणाविओ करिवये । तत्थारोविया दो वि । आइट्ठा निउत्त-पुरिसा- 'गिरिं समारोविऊण टंक - छिन्न
For Private & Personal Use Only
Jain Education International
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |