Page Text
________________
૧૬૨
सिरिसोमप्पहसूरि-विरइयं वियड्डा सा । तीए एसा वि परिव्वाइया वंचिया । कओ मे किण्ह-पक्खपंचमीए असोगवणिया-पच्छिम-दवारेणं आगंतव्वं ति संके ओ । भणियायऽणेण- 'परिवाइगा ! अलं तीए अ[ण]णुरत्ताए ।' गओ सो पंचमीए असोग-तरु-हेहे । जाओ संभोगो । पवड्डमाण-सिणे हाण वोलिया कइ वि दियहा । डहुल-तेल्ल-मइल-वटि-रइहर-दीवणदंसणेण जाया निहिसारस्स आसंका - 'किमेयं ?' ति । निरक्खिया रयणीए, दिहा समं तेण पसुत्ताए । ओयारियं दाहिण-पायाओ नेउरं अणेण | वेइयं इमीए । उहाविओ सो | कहियं तस्स 'समए साहेज्जं कायव्वं' ति । गओ सो । इयरी वि गया पइ-समीवं । उहविऊण भणिओ एसो- 'इह घमो त्ति असोगवणियं वच्चामो' | ‘एवं'ति पडिवल्लमणेण । गयाइं । तत्थ सुत्ताणि मुहुत्तं । उहविऊण भणिओ भत्ता'किं तुम्ह कुले जुत्तमेयं जं ससुरो भत्तारेण सह पसुत्ताए नेऊरं हरइ ?' तेण भणियं- 'पभाए लब्भिही ।' परुइया एसा | वारिया रयणसारेण | तीए भणियं- 'किं वारेसि ?| पत्ता कलंकं इमिणा वईयरेण ।' तेण भणियं- 'मए समक्खम्मि एत्थ को कलंको ?। अलमिमिणा चिंतिएणं ।' उग्गए सूरे मग्गिओ रयणसारेण पिया नेऊरं, भणिओ य- 'किं तुमं अनिरूविऊण जं किंचि करेसि ?।' पिउणा वुत्तं- 'पुत्त ! न अनिरूवियं कयं । एसा खु मए पर-पुरिसेण समं दिहा ।' रयणसारेण भणियं'ताय ! तिमिरेण अंतरिओ सि । अहं चेव बाहिं पसुत्तो, साहियं च मे एयाए तव्वेलमेव इम' | सुहाए भणियं- 'अहं सुज्झामि । अत्थित्थ जक्खो । तस्स जो सुद्धो सो जंघाणं अंतरेण जाइ । असुद्धं सो धरेइ'त्ति । पडिवण्णं तेहिं । सुण्हा व्हाया धूव-बलि-पुप्फ-फल-हत्था पयहा जक्खालयं । समओ त्ति गहिलख्वधारिणा विडेण वच्चंती आलिंगिया । गहिल्लओ त्ति निद्धाडिओ लोएण | पहाविया पुणो वि एसा । चडिया जक्खालए । अच्चिऊण जक्खं विन्नवेइ जहा- 'भयवं जक्ख ! मए न कयाइ भत्तारं मुत्तूण अन्नो पुरिसो अन्लेण भावेण छिल्लो । गहिल्ल-वुत्तंतो पुण तुज्झा गुरुअणस्स य पच्चक्खो चेव । किमेत्थ वुच्चइ ?।' एवं भणिऊण चिंतावनस्स जक्खस्स जंघंतराओ णिग्गया । 'सुद्धा सुद्ध'त्ति बंधवेहिं कओ कलयलो । वज्जंतेण य तूरेण घरं गया । ससुरस्स य चिंताए निद्दा नहा । जाणियं राइणा । इमं चिंतियं च- 'सोहणो एस अंतेउर-रक्खवालो होहि ।' त्ति हक्वारिओ रन्ला । अब्भत्थिऊण निसाए
www.jainelibrary.org
Jain Education International
For Private & Personal Use Only
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |