________________
१११
सुमइनाह-चरियं
मुणिणा वुत्तं- 'मंसाइ-भवखणे वाउलाइं तुम्हे'त्ति । न पडिविखओ मए, मह जाओ अहिओ य संवेगो ||११८।। भणइ महेसरदत्तो- 'संवेगो केण हेउणा तुज्झ । अहिओ जाओ ?' मुणिणा वि साहिओ सव्व-वुत्तंतो ||११८६।। तं सोऊण महेसरदत्तो संजाय-परम-संवेगो । पव्वज्जं पडिवल्लो तस्सेव मुणिस्स पासम्मेि ||११८७।। इय पुत्तो वि न रक्खइ नरं कुकम्मेहि दुग्गई जंतं । न य पुत्त-विइल्लेणं तित्ती पियराण संभवइ ||११८८।। सत्तू वि होइ पुत्तो भवम्मि पुत्तो वि हणइ निय-पियरं । ता धम्मो च्चिय पुत्तो इह-पर-लोए वि सुह-हेऊ ||११८१||१२|| एत्थंतरे सोहग्गमंजरीए भणियं'जं संपन्न-समीहिय-सयलत्थो उज्जओ वयं काउं । तं लोह-तरलिओ जंबुगो व्व सोच्चिहिसि सामि ! तुमं ।।११४०।। कुमारेण भणियं - 'को सो जंबुगो ?।' सोहग्गमंजरीए भणियं'अत्थेत्थ पुव्वदेसे अंगा नामेण जणवओ विउलो । रिउचक्क-अकयकंपा चंपा नामेण अत्थि पुरी ||११११।। उत्तुंग-जिण-निकेयण-सिरि-विलसिर-कणय-केयण-भुयाहिं । नच्चइ व जम्मि लच्छी सुहाण निवेस-हरिस-वसा ||१११२।। तीए निरुवम-ख्वोहामिय-मयरद्धओ कणयद्धओ राया । निहिसारो सेही, रयणसारो पुत्तो । रिद्धिमई तस्स भज्जा । सा ख्ववई । नईए य ण्हायंती दिहा तयह(तडह)-रायपुत्तेण । अणुरत्तो इमो । पेसिया दिहिदूई । बहुमल्लिया इमीए । अणुगमणेण नायं तीए घरं । संकेयाइं जाणणत्थं पेसिया परिव्वायगा । कया अणाए ठाणा । तस्साणुरागो त्ति इच्चाइ बोल्ला । एवमवधारिऊण निय-भावं निगूहंतीए निब्भच्छिया एसा । दिनो से मसिलित्त- हत्थेण पहीए पंचंगुली-घाओ, निच्छूढा असोगवणियापच्छिम-दुवारेण, भणिया य एसा- 'जइ पुणो एहिसि निय-माणुसाण कहिस्सं' । गया सा । साहियमेयस्स सव्वं । तुडेण चिंतियं तेण- अहो !
Jain Education International
For Private & Personal Use Only
www.jainelibrary.org
