________________
११०
सिरिसोमप्पहसूरि-विरइयं मरिउं मुच्छा-दोसेण सुणहिया निय-घरे समुप्पन्ना । सा गंगिला महेसरदत्तस्स निरग्गला गिहिणी ||११७१।। सच्छंदा अच्छंती गुरुजण-रहियम्मि नियय-गेहम्मि । अन्लेण नरेण समं संघडिया १३७पेच्छए तं च ।।११७२।। कह वि महेसरदत्तो कीलंतिं तेण सह तओ कुविओ । को वा कोवं न कुणइ निय-घरिणी-परभवं दहुं ? ||११७३।। सो य महेसरदत्तेण अद्धपहओ कओ तओ नहो । गंतूण नाइ-दूरम्मि निवडिओ चिंतए एवं ||११७४।। अहह ! मए पावेणं कयं अकज्ज इमं ति संविग्गो । निंदतो अप्पाणं विचित्तयाए य कम्मरस ||११७५।। उवसंत-मणो मरिउं तीए च्चिय गंगिलाए गब्भम्मि । निय-बीएणं तक्खण-भुत्त-विमुक्काए उप्पल्लो ।।११७६।। कालक्कमेण जाओ पुत्तो अइ-वल्लहो त्ति काऊण | वहइ महेसरदत्तो उच्छंगेणं पहिह-मणो ||११७७।। अह अन्नया महेसरदत्तेणं जणय-किच्चमारदं । सो जणय-जीव-महिसो किणिऊण विणासिओ तत्थ ।।११७८।। विप्पाण बंधवाण य दिन्नाई महिस-मंसखंडाई । पिउणो तित्ति-निमित्तं पिया वि खज्जइ अहो मोहो ||११७१।। अह पुत्तं उच्छंगे काउं आसायए सयं मंसं । माउ-सुणियाइ पुरओ ठियाइ अहीणि पविखवइ ।।११८०।। भक्खेइ सा वि तुहा अह मासक्खमण-पारणय-हेउं || साहू अइसय-नाणी कह वि पविठ्ठो गिहं तस्स ||११८१|| नियइ महेसरदत्तं एक्कमणो चिंतइ य निय-चित्ते । अल्लाणमहह ! एसो जं सत्तुं वहइ उच्छंगे ||११८२।। भक्खइ पिउणो मंसं, सुणियाए देइ जणय-अहीणि । सा वि निय-भत्तुणो अट्ठियाइं भक्खेइ तुट्ठ-मणा ||११८३।। इय चिंतिऊण साहू विणिग्गओ तयणुमग्गओ गंतुं । भणइ महेसरदत्तो- 'भयवं ! भिक्खा न किं गहिया ? ||११८४।।
Jain Education International
For Private & Personal Use Only
www.jainelibrary.org
