________________
१८१
सुमइनाह-चरियं
तो करुणाए वुत्ता-'भो भो ! मेल्लह जइ वरायमिमं । ताहं दीणार-सयं तुम्ह पयच्छामि अवियप्पं ||११५७।। सोऊण इमं वयणं तेहिं तओ 'एस एय-संबंधी ।' इय जपतेहिं अहं गुत्तीए बंधिउं खित्तो ||११५८।। जं किंचि मज्झ पासे आसि धणं गिहिऊण तं सव्वं । धरिओ भोयण-रहिओ मासाओ अज्ज मुक्तो म्हि ||११५१||
गरुयं च तुमं दहण भूविखओ सत्थवाह ! पत्थेमि | करुणाए भोयणत्थं एक्वं मह देसु दीणारं ||११६०।। सोऊण वयणमेयं समुद्ददत्तो वि किविण-भावेण । सामल-वयणो काउं नडालवढे भिउडि-भंगं ||११६१।। दुव्वयणाई पयंपिउमाढत्तो-रे लहुं महामूढ ! | निग्गच्छ मह घराओ दीणारो नत्थि तुह जोग्गो ||११६२|| काऊण बहु किलेसे दविणं विढवेमि तं तु दाऊण । तुम्हारिसाण किं निहवेमि जेणाधणो होमि ? ||११६३|| एयं तु पिच्छिउं पासवत्तिणा उल्लसंत-करुणेण । तस्स महेसरदत्तेण वियरिया दोन्नि दीणारा ||११६४|| तत्तो समुद्ददत्तेण जंपियं -रे कुपुत्त ! किं एयं । तुमए कयं ? न याणसि नूणं दविणज्जण-किलेसं ?||११६५|| तो नंदणेण वुत्तं- 'ताय ! बहुव्वत्त-धय-विलोलाए । लच्छीए इमाए फलं दाणं भोगो य न ह अन्नं ।। ११६६|| तत्तो समुद्ददत्तेण चिंतियं- 'हा ! कहं विभिन्न-मणो । एसो मह पुत्तो ? तेण खिज्जिही निच्छियं लच्छी ।।११६७।। एवं वियप्पमालाउलस्स हिययम्मि तस्स संघहो । सो को वि पयट्टो जेण झत्ति पाणा वि निक्खंता ||११६८।। ता अदृशाण-वसओ मरिऊणं तम्मि चेव विसयम्मि । सो महिसो संजाओ कमेण पोढत्तणं पत्तो ||११६१|| बहुला वि नियडि-बहुलत्तणेण पर-वंचण-प्पहाण-मणा । पइ-मरणेणं रणरण-परवसा अदृझाण-गया ||११७०।।
Jain Education International
For Private & Personal Use Only
www.jainelibrary.org
