________________
१८२
सिरिसोमप्पहसूरि-विरइयं उवयारं उवयारीण वेरं निज्जायणं च वेरीण | काउं जो न समत्थो धिरत्थु पुरिसत्तणं तस्स ||११00।।
इय चिंतापरो परिब्भमंतो पत्तो एग नयरं रमणीयं अजणसंचारं, चित्ते सविम्हओ पविहो तयब्भंतरं । पेच्छंतो किलकिलंत-कइकुल-संकुलाई देवकुलाइं, घुरुहुरंत-घोर-वग्घाइं, घरोयराइं लंबंत-भुयंग-कंचुयाई तोरणाइं । गओ रायभवणं । आरूढो सत्तमं भूमियं । पेच्छइ तत्थ कुंकुमकयंगरायं सुरहि-कुसुम-मालुम्मालिय-ग्गीवं करहिमिणं । 'कहं सुन्ननयरे करही ?। कहं वा एत्थारूढा सोवभोगसरीरा य ?।' ति वियक्वंतो पेच्छइ गवक्ख-गयं समुग्गय-दुगं | तत्थ एगत्थ धवलमंजणं, अन्नत्थ कसिणं । सलागा-दंसणाओ जेणंजणमिणं ति कय-निच्छओ नियच्छइ धवल-पम्हाई करही-लोयणाई । तो 'नूणं माणुसी एसा धवलंजणेण करहीकया संभवइ । कयाइ कसिणंजणेण पयइ-भावो इमीए' त्ति चिंतिऊण अंजियाई कसिणंजणेण तयच्छीणि नंदणेण । जाया पयइरुवा तरुणी । 'कुसलं तुह ?' त्ति ससिणेहमालत्ताए भणियमणाए- 'संपइ तुम्हाणुभावेण संभवइ कुसलं ।' नंदणेण वुत्तं- 'को एस वुत्तंतो ?।' तओ सा साहिउं पवत्ता- ‘अत्थि इओ उत्तरओ गंगाकूले कुसत्थले नयरे गंगाहरो त्ति सेही । तब्भज्जा गंगिला नाम । ताणं चउण्ह पुत्ताणमुवरि जाया मणोरह-सएहिं तणया नामेण सुंदरी अहं जोव्वणं पत्ता ।
अह गंगासन्न-वणे विज्जाविज्जय-निमित्त-निउणमई । नामेण रुद्दसम्मो आसि परिव्वायगो तरुणो ||११०१|| अह सो मह जणएणं सगोरवं भोयणत्थमाहूओ । विहिय-चलणाइ-सोओ ठविओ पवरासणे विहिणा ||११०२।। तो सालि-दालि-घय-खज्ज-पेज्ज-परिवेसणम्मि पारद्धे । ताय-गिरा-२"गहियं वीयणं मए पवण-दाण-कए ।।११०३।। मह रूवं पेच्छंतो अजुत्तकारि त्ति सो वि मयणेण । कुविएण व बाणेहिं पहओ तो चिंतए एवं ||११०४।। डज्झउ वयं, विवज्जउ विज्जा, हाणग्गहे पडउ वज्जं । सग्गेण न मे कज्जं रमेमि रमणिं जइ न एयं ।।११०५।।
Jain Education International
For Private & Personal Use Only
www.jainelibrary.org
