________________
सुमइनाह-चरियं
૧૮૧ जलपाणत्थ निविहो उहंतो पत्थिओ कहइ वत्तं । तं पुण पयडिय-नेहो वि अकहिउं कह पउत्थो सि ? ||१0१३|| किर कत्थ कत्थ न मए पुत्त ! गविहो सि एत्तियं कालं | न य निय-दसण-दाणेण कओ पसाओ तए मज्झं ||१०१४|| एसा य मज्ा दुहिया दुहिया पत्ता य पाण-संदेहं ।
न य निन्नेहा जाया मुक्का अवराह-विरहे वि' ||१०१५।। नंदणेण वुत्तं - 'अहं खु उत्ताल-पओयणेण देसं तरं गओ, अज्जे वाऽऽगओ, वक्खेवाओ य ने ह पत्तो । ता न अन्नहा तए संभावियव्वं' ति । ठिओ तग्गिहे । कुणइ विलासे । मग्गिओ कुट्टणीए धणं | तओ 'भारतुल व्व लोहमई२२ इमा, न थोव-दाणेण तत्तिहित्ति कलिऊण तेण चिंतामणि-माहप्पेण दिण्णं मग्गियाइरित्तं वित्तं । तुहा कुट्टिणी | तह वि लोह-दोसेण पुणो पुणो मग्गेइ । नंदणो वि पयच्छइ । अन्नया विम्हियाए चिंतियं अणाए- 'नूणं अत्थि एयस्स चिंतामणी परिग्गहे, कहं अन्नहा एरिसी दाण-सत्ती ?। ता तं गेण्हामि ।' तओ ण्हाणोवविहस्स तस्स कुप्पास-खल्लयाओ गहिओ तीए मणी । पुणो किं पि जाइएण निहालियं अणेण खल्लयं तं । अपेच्छंतेण पारद्धा गवेसणा | भणिओ कुट्टणीए२३ - ‘पज्जत्तं तुह दाणेण | मा मे परियणं अब्भक्खाणेण दूमिहि ।' तओ नूणं अणाए गहिओ चिंतामणी, कहं अन्नहा सिद्ध-कज्ज व्व निदक्खिनमुल्लवइ एस त्ति संभाविऊण सामरिसो निग्गओ नंदणो, लज्जाए रायाणं पि अविल्लविऊण पत्थिओ देसंतरं । चिंतइ य
न हु अच्छरियं हय-कुणीए२४ लोहज्जराभिभूयाए । जं मग्गिए वि अधिए दिन्ने न नियत्तए तण्हा ||१०१६|| असमिक्खिय-तत्ताए वीसत्थद्दोह-दिन-चित्ताए । नो केवलं अहं चिय अप्पा वि हु वंचिओ तीए ।।१०१७|| "जओअमुणिय-विहि-मंताए तीए चिंतामणी मणोभिमयं । थेवं पि न वियरिस्सइ नूणं पाहाण-खंडं व ||१0१८।। को हुज्ज सो पयारो जेणाहं तीए विप्पियं काउं । दंसिय-निय-माहप्पो चिंतारयणं गहिस्सामि ? ||१०११।।
For Private & Personal Use Only
Jain Education International
www.jainelibrary.org
