________________
सुमइनाह-चरियं
१७९
संपत्ती भवसायरस्स विसमुत्तारस्स तीरे अहं ।
जं दिट्ठो सि जिनिंद लोयण-सुहा-नीसंद-तुल्लो तुमं ।। १०८३॥ महि - निहिय - निडालवहो पणमिऊण जिणं जिणभवण- दुवारदेसडियाए चक्केसरीए देवयाए पुरओ रयणीए पत्तो सो मणिपीढियाए । मज्झरत समए समागया तत्थ तक्करा । गहिउं पवत्ता सुवन्नरयणाहरणाइयं जिणहराओ । हक्किया नंदणेण - 'अरे दुरायारा ! किमेयमारद्धं उभय- लोग - विरुद्धं ?' तेहिं वुत्तं- 'जं पडिहाइ अप्पणो ।' तेण वुत्तं- 'न लब्भए काउमेयं ।' तेहिं वुत्तं- 'को निवारगो ?' तेण वुत्तं- 'एस मे खग्गो' । तेहिं वुत्तं- 'जइ एवं ता सम्मुहो होसु ।' खग्गं गहिऊण ठिओ सम्मुही नंदणी । तक्करा वि पवत्ता पहरिउं । उक्कडयाए सत्तरस निरवेक्खयाए जीवियव्वरस धुणिऊण केसरविसरं व अंगलग्गं सर-समूहं एक्केण वि करिणो व्व केसरिणा विद्दविया तक्कर - भडा नंदणेण, ना दिसोदिसं ।
दहूण तस्स सत्तं पहठ-मुहपंकया पसंसंती | तं रणरहसुडिय- सेय-बिंदु- संदोह दंतुरियं || १०८४|| तिमिर - घण- पडल- मज्झे सुवण्णवण्णाहि काय-कंतीहिं । विज्जु व्व पज्जलंती पत्ता चक्केसरी देवी ||१०८५ || अकय- सुकयाण दुलहं दाऊणं नियय-दंसणं तीए । अहिं करेहिं जुगवं पि अमयधाराहिं सो सित्तो ||१०८६|| तो नंदणस्स देहं सहस च्चिय रूढ-पहरण - वणोहं । चक्केसरिणा (रीए) विहियं विविहालंकार - रमणिज्जं ७ ||१०८७।। अह वच्छत्थल - विलुलंत तार- हारावलीए नेहेण । अप्पडिचक्काए इमो भणिओ पण्हुय-थणीओ व्व ||१०८८|| 'हे वच्छ! तुज्झ साहस- गुणेण तु म्हि विम्हि (म्ह) करेण । ता चिंतारयणमिणं गेण्हसु अवखय-निहाणं व || १०८९ ।। विणय- पणउत्तमंगेण नंदणेणं तओ इमं भणिया । 'देवि ! तुह दंसणं चिय चिंतारयणाओ अब्भहियं || 1080|l किंतु अइवच्छलाए जणणीए पणयपुव्वमाएसं ।
जइ न करेमि तओ हं न नंदणत्तं तुह वहामि ||१०११ ||
For Private & Personal Use Only
Jain Education International
www.jainelibrary.org
