________________
૧૭૮
सिरिसोमप्पहसूरि-विरइयं चिंतियं नंदणेण'अब्भत्थिया वि वंका थण-पडिलग्गा वि तक्खण-विराया । तियसिंद-चावलहि व्व होइ वेसा सुदुग्गेज्झा ||१०७८।। रज्जंति धणेसु पणंगणाओ न गुणेसु कुंद-धवलेसु । सज्जति चिलीणे मक्खियाओ घण-चंदणं मोत्तुं ।।१०७१।। थोर-थणथलीण वि पंकय-दल-दीह-लोयणाणं पि । वेसाण हरिद्दा-राय-सरिस-पेम्मत्तणं दोसा ||१०८०|| जाणामि जइ वि एवं इमीए रूवाइ-गुणगणो तह वि ।
आयडइ मह हिययं बला वि लोहं व अळंतो ||१०८१।। एवं चिंतिउण ठिओ तत्थ । जाया परोप्परमिमाण पीई । नवरं कुट्टणी धणलुद्धा न तूसइ तेत्तिय-धणेण । अओ न बहुमन्नइ नंदणं । भणेइ निय-धूयं- 'वच्छे ! तुच्छ-दविण-दाया एस । एत्थ नयरे ते के वि चिटंति भोइणो अवरे, जेसिं पुरओ धणओ वि किविणो, ता किं तुम इमं न चएसि ?। तीए भणियं- 'न चएमि मुत्तुमेयं । धणलुद्धा तुमं । अहं पुण गुणाणुरागिणी । गुणा य जारिसा एयरस न तारिसा अन्नस्स ।' एवं सोऊण कविया कुट्टणी१६ | भणिओ अणाए परियणो- 'अवमाणिऊण नंदणं निस्सारेह मे गिहाओ' । तेण तहेव कयं । निग्गओ नंदणो । परिब्भमंतो य भूमंडलं साकेयनयरंतस्स परिसरुज्जाणे पत्तो सक्लावयारचेईयं । जस्सिं कंदलिय व्व कंचणमय-क्खं भावलीहिं इमा, निच्चं पल्लविय व्व दिव्व-सिव-उल्लोएहिं, सव्वत्थ वि दिपंतेहिं चिय रायकुसुमियन्वुद्दाम-मुत्ताहलोऊले हिं, फलिय व्व हेमकलसुप्पीलेहिं लच्छी लया तत्थ दिहा जुगाइ-जिणिंदस्सेय पडिमा । तं दहण हरिसुप्फुल्ललोअणो थोउमाढत्तो'जं वज्जेसि नियंबिणी-थणहरुच्छंगाभिसंगं तुम,
कोदंडासि-तिसूल-चक्क-पमुहं छत्तं न धारेसि जं । तं मन्ने गय-राग-दोस-पसरो देवाहिदेवो तुम,
कज्जं कारणमंतरेण न भवे जम्हा इमं पायडं ।।१०८२।। लद्धं अज्ज मए तिलोय-कमला-वच्छत्थलालिंगणं ।
खीणं मज्झ खणेण पाव-पडलं नीसेस जम्मऽज्जियं ।
Jain Education International
For Private & Personal Use Only
cirational
www.jainelibrary.org
