________________
૧૭ર
सिरिसोमप्पहसूरि-विरइयं विउल-कुलुब्भवाओ लच्छि-गोरि-रइ-रंभाओ वणिय-कन्नाओ । तस्स य सेहिणो घरे थावरओ कम्मयरो वुत्ताणत्तयं करेइ ।
अन्नया सेहिणा पेसिओ कम्मि वि पओयणे । आगच्छंतरस लग्गा महई वेला, पत्तो किं चूण मज्झरत्त-समए, कया अणे ण दवारउग्घाडावणत्थं घरमाणुसाणं सदा । जाव निद्दा-परवसत्तणेण न उग्घाडियं केणावि दुवारं । पसुत्तो दुवारप्पएस-संठियस्स महप्पमाण-कुहरस्स कढवदृस्स मज्झ-भाए | जाव निद्दा नागच्छ ताव सुओ अणेण परोप्परं संलवंतीण इत्थीण सहो । तओ किं इमाओ पायालवासुन्विग्गाओ नागकन्नयाओ ? जइ वा गलिय-गयण-गमण-विज्जाओ विज्जाहरीओ निवडियाओ ?, किं वा कुविय-सुरवइ-साव-परिब्भहाओ सुरंगणाओ पत्ताओ ?'त्ति विम्हिय-माणसो जाव सम्मं निरुवइ ताव रयणालंकारकिरण-हणिय- तिमिर-निउरुबाओ बहल-मयणाहि-पंकोवलित्त-गत्ताओ कप्पूर-पारी-परिगय-तंबोल-परिमल-वासिय-दियंताओ कणंतकणय-कंकण-कलावाओ रणंत-किंकिणी-मुहल-रसणाओ मंजुसिंजंत-मंजीराओ दिहाओ चत्तारि वि सिहि-सुण्हाओ । लच्छीए भणियं'हला गउरि ! अज्ज तुम उप्पाडेसु वढं ।' अवराओ तिन्नि निसन्नाओ वहस्स उवरि । उप्पाडियं गउरीए वढें, पयर्ट गयणे गंतुं । पत्तं समुदस्स उवरि । समुद्दो वि तासिं रूव-लुद्ध-मणो पसारिय-भूओ व्व रेहइ, अब्भंलिह-लहरीहिं पिच्छंतो व्व छज्जइ, समुच्छलंत-मच्छ-रिछोलिक डक्ख-च्छ डाहिं हसंतो व्व सहइ, फुरंत-फार-फे ण-नियरेण कयग्घदाणो व्व सोहइ, समुल्लसंत-मुत्ताहलुप्पीलेण ममं उल्लंधिऊण इमाओ वच्चंति त्ति विलक्खो रसंतो व्व तज्जए गरुय-निग्घोसेणं ।
ताओ वि पत्ताओ सुवनदीवं लच्छीए कणय-कंकणं व कणयपुरं नयरं । मुत्तूण तरस बाहि वढं गयाओ ताओ नयरब्भंतरं । थावरओ ठिओ तत्थेव वट्टे निलुक्को, पिच्छए कणयमय-पायार-पच्चासन्न-कणयइटाल-खंडाई, बीहंतो य न सक्कए ताणि घेत्तुं । ताओ वि सइच्छाए कीलिऊण निग्गयाओ गयाओ वढें । गमणक्वमेणेव नियत्ताओ पत्ताओ निय-नयरं | वढं मुत्तूण सहाणे पविहाओ सगेहं । थावरओ वि तं तारिसं अच्चब्भुयं चित्ते १०धरिउमचयंतो तासिं च भएण कहिउमपारयंतो ठिओ कहेण कइ वि दिणाई ।
Jain Education International
For Private & Personal Use Only
www.jainelibrary.org
