________________
सुमइनाह-चरियं
१६१ तओ कहिओ सव्वो वि सपच्चओ निसा-वुत्तंतो" | तो लज्जाए भएण य विम्हला ठाऊण खणमेक्वं काऊणऽदृहासं भणिओ राया- 'सामि ! केरिसं मज्झ चरियं ?, तुम्ह नयरे वसंति ताओ महिलाओ जासिं पायबद्धा वि नाहं सोहामि !' रल्ला वुत्तं- 'एक्कं ताव मे कहसु ।' ता सा कहिउं पवत्ता
'अस्थि अस्थिजण-पूरिय-मणोरहो मणोरहो सेट्ठी । तस्स कमलदल-विसालच्छी लच्छी भज्जा | ताणं चउण्हं पुत्ताणं उवरि मणोरहसएहिं जाया निय-रूव-रेहो हामिय-सुरसुंदरी सुंदरी धूया । तीए परिणीय-मेत्ताए चेव उवरओ भत्ता । सिटिणा वुत्तं - ‘वच्छे ! "ईइसो चेव संसारो । सुरासुराणं पि अनिवारियप्पसरो पहवइ मच्चू । ता न तए खिज्जियव्वं । मह घरोवरि ठिया चेव चिट्ठसु किं पि कम्मं अकुणमाणी' | पडिवन्नमेयं अणाए । कयाइ तीए मत्तवारण-हियाए दिहो विसिट्ठ-रूवनेवच्छो विसाल-वच्छो रायमग्गमोगाढो देसंतरागओ कामपालो रायपुत्तो । तं पइ पच्चक्ख-कामएव-ब्भमेण मुक्काओ कुसुमदामुब्भडाओ कडक्ख-च्छडाओ । एत्थंतरे पढियं बंदिणाजयइ विजय-लच्छी-संगओ बंगदेसा
हिवइ भुवणपालस्संगओ कामपालो । अइसय-रमणिज्जं पिच्छिउं जस्स रूवं,
धुवममरवहुओ मच्चलोयं महंति ||१०४२|| सुयमिणं सिहि-धूयाए, नायं च जहा- 'बंगदेसाहिव-सुओ कामपालो इमो' त्ति | रायपुत्तेणावि पलोईया सा साणुरायाए दिहीए । तं चेव चिंतयंतो गओ नियावासं । गहिओ कामज्जरेण । सेहिधूया वि काम-परवसत्तणओ दढमस्सत्थ-सरीरा जाया । विसनो सिही जाव चिट्ठइ ताव आगया भिक्खलु परिव्वाइगा । भणिया य सेहिणा- 'भद्दे ! अस्सत्थं पउणीकरेसु मह धूयं ।' तीए भणियं- ' पेच्छामि ।' ताव गया तीए पासं । दहण तं मुणिय-मयण-वियाराए भणिया अणाए- 'भद्दे ! लक्खियं तुह सरीरस्स असत्थया-कारणं । ता कहेसु सब्भावं जेण तमहं संपाडेमि ।' तीए वि 'न अन्ना गई' ति चिंतिऊण कहिओ सब्भावो । भणियमणाए- 'न तए खिज्जियव्वं । आइच्चवारे आइच्चहरे आइच्चपूजा-ववएसेण तेण सह संगम काराविस्सं' ति भणिय उहिया परिव्वाइगा । कहियं सिहिणो- 'मए नियत्तिओ किंचि दोसो । सव्वहा
Jain Education International
For Private & Personal Use Only
www.jainelibrary.org
