Page Text
________________
૧૬૮
सिरिसोमप्पहसूरि-विरइयं तुमं एत्थेव पडिक्खसु ।' रन्ना चिंतियं- 'इमीए चरियं ताव पेच्छामि'त्ति ठिओ तत्थेव । जुवाणो वि जाव पडिक्खंतो चिहइ ताव समागया सा । तेण भणियं- 'रइसोक्खं कत्थ माणियव्वं ?' | तीए वुत्तं- 'मह गिहे गंतुं मग्गसु वासयं, जेण तहिं रइसोक्खं निन्विग्घं माणेमो ।' पयट्टों जुवाणओ | वेस-परावत्तं काऊण लग्गा तस्स पिट्ठओ भट्टिणी । राया वि कोऊहल-खित्त-चित्तो तदणुमग्गेण चलिओ । जुवाणएण वेयज्झयणं काऊण भणिओ भट्टो- 'उसभपुराओ एसा मह घरिणी मए किंचि सिक्खविया रुहा समाणी पुत्तं मोत्तूण इहागया । अहं च कुटिओ पिडओ लग्गो समागओ | उस्सूरं च जायं आगच्छंताणं | ता मे देहि वासं । भट्टोऽहं तुमं च भट्टो, अओ जुत्तमेयं । जामदुगं च वसिऊण गमिस्सामो निय-नयरं ।' एवं भणिए 'रंधणए वससु तुमं'ति भणियं भट्टेण । पविहाई दो वि तत्थ । दारओ वि मज्हा-रत्ते रोइउं पवत्तो । भणियं जुवाणएण'भट्ट ! किं इमो रोयइ दारओ?।' भट्टेण भणियं- 'इमस्स माया देवर-गिहे गया । मए वारिया वि न हिया, एसो खु भुक्खिओ रुयंतो न थक्वइ । सा वि न आगया । ता किं करेमि ? ।' जुवाणएण वुत्तं- 'मह बंभणीए पुत्तो गिहे मुक्को । ता अप्पसु निय-पुत्तयं जेण थणाविओ सुहं सुयइ ।' अप्पिओ भट्टेण पुत्तो | थणाविओ, पुणो वि समप्पिओ भट्टरस । पसुत्तो पुत्तो भट्टो य । इयराणि वि कीलिऊण पभाए 'भट्ट ! वच्चामो अम्हे, उसभपुरे पाहुणओ एज्ज ।' एवं कहिऊण गयाणि दुवार-देसं । गओ जुवाणओ।
भट्टिणी वि काऊण पुव्व-नेवच्छं पयडिऊण तंबोल-सणाहं थालं पत्ता गिहं । भट्टो वि सविउं पवत्तो- 'रंडे रंडे ! किं नागया सि निसाए ?, संताविओ हं तुह सुएण ।' तीए वि वुत्तं- 'अज्ज तए आणिया का वि रंडा !, जओ इह दीसइ आवीलो मलियं मल्लं । सिक्कडो य पडिओ । जा अहं गेहाओ निग्गया ता जाओ तुम भूयंगो । साहेमि महेसराणं तुह चरियं । कहं गिण्हसि निव्वावए दक्खिणाओ य ?।' एवं अक्कोसंतीए तीए निग्गओ भट्टो । गओ निवाणं । राया वि पत्तो भट्टिणीए पासं । भणिया सा- 'भट्टिणि ! जाणसि जयवम्मं रायाणं ?। तीए भणियं- 'जस्स पुरीए वसामि तं कहं सयलजगप्पयड जयवम्मं रायाणं न याणामि ?।' रन्ना भणियं- 'ता सोऽहं ।' तीए भणियं- 'किं तए एरिसो वेसो कओ ?| रना भणियं- 'इत्थी-चरियस्स जाणणत्थं ।' तीए भणियं- 'केरिसं चरियं ?।' रन्ना भणियं- 'जारिसं तुह ।'
Jain Education International
For.Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |