________________
૧૬
सिरिसोमप्पहसूरि-विरइयं किंतु मह कुसीलत्तण-कलंक-संभावणेण संभवए । जं निम्मल-जिणधम्मस्स लाघवं तं महादुक्खं' ||१०२६।। एवं पयंपमाणा घर-देवालय-जिणिंद-पडिमाए । पुरओ काउस्सग्गं एगग्गमणा कुणइ एसा ||१०२७।। अह सासणदेवीए जिणमइ-सीलेण रंजिय-मणाए । आसज्ज विणिम्मविया तीए नासा सरल-रुवा ||१०२८।। गयणाओ कुसुमवुही मुक्का सुरदुंदुहीओ पहयाओ । 'जयइ जिणसासणं जिणमई सई एरिसी जत्थ ।। १०२१।। इय जिणमई-सईए तारिसमच्चब्भुयं निसुणिऊण । आगंतूण सयं चिय सलाहए तं महीनाहो ||१०३०।। 'तं धन्ना कयपुन्ना तुज्झ सुलद्धं च माणुसं जम्मं । एयारिसो पभावो जीए वर-सीलरयणस्स ।।१०३१|| अह जिणमईए भणिओ जोडिय-करसंपडो नरविरंदो । 'मुंचसु पई मह तहा तम्मित्तं' तेण ते मुक्का ||१०३२|| पासं व गेहवासं विवज्जिउं जिणमई विसय-विमुही । गेण्हई दिक्खं काउं तिव्व-तवं वच्चए सुगई ।।१०३३।। निंदिज्जतो लोए कस्स वि वयणं पि दंसिउमसक्को । गमइ दिणे वरदत्तो पच्छायावेण इज्तो ||१०३४|| एवं तुमं पि पिययम ! अम्हे 'गरुयाणुराय-रसियाओ ।
सहसा परिच्चयंतो मा पच्छायावमुव्वहसु ।।१0३५।। ||७|| कुमारेण वुत्तं'इत्थीओ एयाओ विवेय-कलहंस-मेहमालाओ । धम्म-धण-तक्करीओ दोस-भुयंगम-करंडीओ ||१०३६।। मोहंधयार-रयणीओ कुग्गहग्गाह-जलहिवेलाओ । मोक्ख-नगर डग्गलाओ दुग्गइ-पुर-सरल-सरणीओ ||१०३७।। इत्थीणं पुण चरियं गहणं न वियाणए सुरगुरू वि | जयवम्मो व्व बुहो तं दई सोउं च सद्दहइ ।।१०३८॥
Jain Education International
For Private & Personal Use Only
www.jainelibrary.org
