________________
सुमइनाह-चरियं
१५१ भवेसु वि समगं चेव आहिं डिय त्ति । समगं चेव गुरु-चलणमूले चरणं पवज्जामो' । सूरसेगेण भणियं- 'भाय ! जं तुमए आणत्तं तं सच्चमत्थि, "परं पुव्व-भवेसु किलेस-जालमणुहविऊण पत्तं रज्ज-सुक्खमेयं, ता समगं चेव अणु जामो । जओ- पुन्नफलं रज्जं, इह-कामिणीओ, विसय-सुहं, सज्जण-समागमो, चिंतियत्थ-संपत्ती य । एय-विवरीयं तु पावफलं । अवि य--
करि-तुरय-रह-समेयं नमंत-सामंत-मंति-परिकलियं । अक्खय-कोस-समिद्धं लब्भइ पुल्लेहिं रज्जमिणं ||१७७|| लायन्न-रूव-जोव्वण-"मयभिब्भल-विहसिरीओ लडहाओ । अद्धच्छि-पिच्छिरीओ पुन्नेहिं हवंति रमणीओ ||१७८।। सयलिंदियाणुकूलं संसार-विसर्दुमस्स अमय-फलं । पाविज्जइ विसय-सुहं पूल्जेहिं विणा न लोयम्मि ||१७|| संपत्ते अवराई जम्मि समप्पंति सयल-सुक्खाई । सज्जण-समागम-सुहं तं लब्भइ पवर-पुन्नेहि ||१८०।। ता भुंजामो रज्जं, माणेमो कामिणीओ पवराओ । विसय-सुहमणुहवामो, विलसामो सज्जणेहिं समं ।।१८१|| संपज्जमाण-चिंतिय-मणोरहा दो वि भुत्त-पुन्नफला ।
समगं चिय जं उचियं तं पच्छा आयरिस्सामो ||१८२।। वीरसेणेण भणियं– 'वच्छ ! सुविणिंदयाल-विब्भमो जीवलोओ, नरयंतं रज्जं, परिणाम-विरसा विसया, खणभंगुरं जोव्वणं, दुग्गइगमण-सरणीओ रमणीओ, संझा-समय-मिलिय-सउणेग-रुक्खवाससमो सयण-समागमो, अयंड-मणोरह-भंग-संपायणपरो अनिवारियप्पसरो पहवइ मच्चू, थेवस्स वि दक्वयरस दारुणो विवागो । ता मुत्तूण मोहं, अवलंबिऊण सत्तं, होसु उज्जमप्पहाणो जेण समगं चेव चरामो चरणं, समगं चेव काउण कम्मक्खयं वच्चामो परम-पयं ।
सूरसेणेय भणियं
छुहिएण व परमनं तिसिएण व मरुथलीए सिसिर-जलं । चिरकालाओ लद्धं चइउं न चएमि रज्जमिणं ।।१८३।। तुमं पुण जहाजुत्तमायरसु । तओ 'गुरुकम्मो इमो भवण्णव-तरंड
For Private & Personal Use Only
Jain Education International
www.jainelibrary.org
