________________
૧૬o.
सिरिसोमप्पहसूरि-विरइयं तुल्लं लभृण वि गुरुं जाणंतो वि पुन्न-पाव-विलसियं जो न पडिवज्जए चरणं ति चिंतयंतो गओ वीरसेणो जणय- सयासं, कहिओ नियमणोरहो । जणएण भणियं- 'वच्छ ! धन्नो तुमं । तुमए समं अहं पि करिस्सं चरण-पडिवत्तिं' ति भणिउं निवेसिओ सूरसेणो रज्जे । कया जिणाययणेसु पूया | दिन्नं दीणाईण दाणं । मुक्काओ गुत्तीओ । सम्माणिओ सयण-वग्गो । सूरसेणेण कय-निक्खमण-महुसवा भावदेव-गुरु-समीवे पवना पवज्जं चंदसेण-वीरसेणा ।
तत्थ चंदसेणो काऊण तिव्वं तवच्चरणं खविऊण कम्मरासिं गओ मोक्खं । वीरसेणो पुण निरइयारं चारित्तं चरिऊण गओ बंभलोयं । सूरसेणो य मुच्छिओ रज्जे, गिद्धो सयलिंदिएसु, पयट्टो महारंभेसु, निरओ महा-परिग्गहेसु, अनियत्तो कुणिमाहारे, पसत्तो मज्जपाणे, लुद्धो परदारेसु, जीववहाइ-सव्वाऽऽसवाऽविरओ मरिऊण गओ तईयनरयपुढवीए । तस्स पडिबोहणत्थं वीरसेण-देवो अणुकंपाए तइय-पुढविं अणुपविसिऊण भणिउमाढत्तो----- ‘भद्द ! जाणसि ममं ?' | दुक्खभरपीडिएण भणियं सूरसेण-नारएण- 'नाह ! निय-देह-प्पहा-पहयतिमिर-पूरं रयण-कन्नपूरं को तुमं न याणइ देवं ?' | तओ देवेण 'अलं अलं उवयार-वयणेहिं 'ति भणंतेण दंसियं पुव्वभव-सरीरं । विभंगनाणेण मुणिऊण पुव्व-वुत्तंतं वुत्तं नारएण-'भद्द ! पुव्वभव-भाया तुमं वीरसेणो'। देवेण भणियं---
जं तुमए पुव्व-भवे रज्जं मुत्तूण संजमो न कओ । तं अणुहवसि तुममिमं नरयानल-संभवं दुक्खं ||१८४।। जं पुण मए विमोत्तुं विसए गुरु-वयणओ वयं विहियं ।
तं पंचमकप्प-सुरो जाओ हं दिव्व-रिद्धि-जुओ ||१८५।। तओ नारएण भणियं'हा भाय ! मए गुरुणो तुमं च हिय-वयणमुग्गिरंता वि । मूढेण जं न गणिया तं डज्झइ मज्ा मणमिण्हेिं ||१८६।। जं जीववहो विहिओ तेणासिवणस्स पत्त-निचएहिं । पवणुद्धएहि छिज्जामि छिन्न-कल्लोह-नासउडो ||१८७।।
Jain Education International
For Private & Personal Use Only
www.jainelibrary.org
