________________
૧૪૬
सिरिसोमप्पहसूरि-विरइयं वच्चइ जह किरण-गणो अत्थमयंतेण चेव सह रविणा | तह आणंदेण समं अत्थो अत्थं गओ ताणं ।।१५१।। तो माणधणत्तणओ लज्जाए तत्थ ठाउमचयंता । निग्गंतूण पुराओ पत्ता देसंतरं दो वि ।।१५२।।
तत्थ कुसद्धणे नयरे धणवद्धणस्स सेहिणो ठिया वाणिउत्तत्तणेण, विसिह-लाभं च अपेच्छंता चडिया पवहणे, समुद्दमुल्लं घिऊण गया परतीरं । आढत्ता ववहरिउं । 'उदर-भरणाओ अहियं न किंचि संपज्जइ'त्ति गया रोहणायलं, खणिउं पवत्ता । जाव काण-कवड्डगं पि न पावंति, ताव तं मोत्तूण परिवायग-विप्पयारिया पविठ्ठा विवरं । खुद्ददेवयाए अवहारिया पडिया कुसवद्धण-नयरुज्जाणे । दिहा कहं पि तत्थागएण धणवद्धण"सेहिणा, नीया स-गिह, भणिया य– 'भद्दा ! अजुत्तं कयं तुब्भेहिं जं ममं अणापुच्छिऊण इओ गया, ता संपयं तहा जइस्सं अहं जहा तुम्हाणं संपया होइ ।'त्ति अणुसासिऊण समप्पियं ववहरणत्थं सहस्समेगं दीणाराणं । ववहरिउमाढत्ता । जान कम्म-धम्म-संजोएण दुगुणीहुयं दव्वं । तओ 'सदेसं वच्चामो 'त्ति चिंतिऊण अप्पियं दव्वं "सेहिणो । सेहिणा वि उदारत्तणेण सव्वं समप्पियं तेसिं । तो दो वि दीणार-सहस्से घेत्तूण चलिया निय-देसं, पत्ता निय-नयरासन्नं । एत्थंतरे अतक्वियागएहिं तक्वरेहिं गाढं पहणिऊण पाडिया ते महीए । गहिऊण धणं गया तक्वरा | ते वि कंठगय-पाणा जाव चिहंति ताव दिहा एगेण मुणिणा करुणापवन-माणसेण ठाउण कन्न-मूले अणुसासिया जहा—
पुव्वकय-सुकय-दुक्कय-फलमुव जंति जंतुणो जेण । तेण न कुणंति धीरा परम्मि तोसं व रोसं वा ||१५३|| तुब्भेहिं वि पुव्व-भवे कस्सइ अन्नरस विरइया पीडा । तो तुम्हाण वि एवं उवहिया संपयं एसा ।।१५४|| अकयं को अणु जइ ? स-कयं नासेज्ज कस्स किर कम्मं ? | स-कयमणुभुंजमाणो कीस जणो दुम्मणो होइ ।।१५।।. ता मा कुणह विसायं, धरेह हिययम्मि सयल-दुहहरणं । पंचपरमेहि-मंतं एवं कल्लाण-संजणणं ।।१५६। एवमणुसासिऊण दिन्नो मुणिणा पंचपरमेहि-नमोक्कारो । ओहेण अमयं व परिणओ इमेसिं पयइभद्दत्तणेण ||१५७।।
Jain Education International
For Private & Personal Use Only
www.jainelibrary.org
