________________
१५२
सिरिसोमप्पहसूरि-विरइयं एत्तो य सामदेवो कालेण विढत्त-विहव-संभारो । संपत्तो निय-गेहं अपेच्छिउं तत्थ मित्तवई ||११८|| पुच्छइ गुरुण पासे जहहियं ते कहिँ ति वुत्तंतं । सोऊण सामदेवो सोग-समुल्लसिय-संतावो ||११|| पडिओ धरणीवहे धस त्ति मुच्छा-निमीलियच्छिपुडो । सिसिरोवयार-उवलद्ध-चेयणो विलवए एवं ॥१२०।। हा चंद-चारु-वयणे ! विसट्ट-कंदो-दल-सरिस-नयणे ! । नयणेहिं इमेहिं मए कत्थ तुमं पुण वि दहव्वा ? ||१२१।। आजम्मं चिय तह निक्कलंकसीलाए धम्मसीलाए । उप्पाईओ कलंको पावेण मए च्चिय मइच्छि ! ।।१२२।। अह माहणेण कहिओ गुरूण सव्वो वि पुव्व-वुत्तंतो । पच्चय-हेउं हारो य दंसिओ पउमरायंको ||१२३|| तो विण्हुदत्त-सेही संखुद्धो निय-मणम्मि चिंतेइ । अहह ! अकज्जं अवियारिऊण विहियं मए एयं ||१२४|| कुनरिं देण व नीई पुराओ निव्वासिया निय-घराओ | जं एसा मित्तवई मए जणाणंद-संजणणी ||१२५।। न कुलं इमीए उत्तममवेक्खियं नेय निम्मलं सीलं । सयण-सिणेहो निहिओ हिययम्मि न थेवमित्तो वि ||१२६।। परलोय-विरुद्धमिणं पावं पि न निब्भएण संभरियं । आजम्मसीलिया वि हु करुणा दूरेण परिचत्ता ।।१२७।। धिद्धी ! मूढेण मए चंदरस व निम्मलस्स हय-विहिणा । नियय-कुलस्स कलंको आकालं निम्मिओ एसो ।।१२८।। एत्तो य सामदेवो कुणइ पइण्णं जहा- 'अलद्धाए । तीए मित्तवईए नाहं पविसामि गेहम्मि' ||१२१।। निग्गंतुं गेहाओ गवेसियाऽणेण उचिय-ठाणेसु । दिहा न कत्थ वि तओ चडिऊण वडम्मि अत्ताणं ||१३०।। उब्बंधिउंमारद्धो धरिओ नेमित्तिएण केणावि । 'मा एवं कुण होही तुह जायाए धुवं जोगो ||१३१।।
For Private & Personal Use Only
Jain Education International
www.jainelibrary.org
