Page Text
________________
सुमइनाह-चरियं
जाया थिरगब्भा सित्ता । उप्पन्नं अन्नं पि पुत्त - दुगं । जक्खदिन्नो सयलकलाकलाव - कलिओ गुणेहिं गरूय त्ति जाया सित्ताए उवेक्खा | चिंतियमिमीए- 'वावाएमि जक्खदिन्नं, न अन्नहा मे पुत्ता संपयं पावंति' ।
I
अन्नया भंडसालाए ठियाणं पुत्ताणं पेसिया लड्डुगा । तत्थ मयहरे पक्खित्तं विसं । भणिओ य परिवेसगो- 'एयं जक्खदिन्नस्स दिज्जाहि' । गओ सो । जाव जवखदिन्नो ववहार करणेण आउलो न भुत्तमणेण, भुत्तं लहुय - पुत्तेहिं । अइक्कंता काइ वेला । तओ ते भायरी भांति'जक्खदिन्न ! एहि गेहं भुंजामो' । सो य ववहार आउलो न तम्मि असमत्ते गिहं गंतुमिच्छइ, ते रोविउं पवत्ता । 'अम्हे भुक्खिय'त्ति । जक्खदिन्नेण भणियं - 'एयं चेव लड्डुगं खाएह' । खद्धो तेहिं विसलड्डुगी । थेववेलाए उग्गया विसस्स घारिया, मया य । नायमिणं जउणेण, पुणो वि एयं वावाइस्सइ" । तओ साहिऊण सब्भावं, समप्पिऊण मुद्दारयणं, पेसिओ ववहार-निमित्तं तामलित्तिं नयरिं । 'कहं मए अम्मा- पियरी नायव्व'त्ति गओ य एसो । ससोगो चिटुइ तहिं अम्मा- पिइ मिलण-निमित्तं देवयाराहणपरो, उद्दरिसियं देवयाए- 'होही तुह मासमित्तेण माया-पिऊहिं संजोगी । तुज्झ माया मित्तवई, पिया सामदेवो । एयाणि मास पज्जंते पियमे लगे उज्जाणे समागयाणि पेच्छिहिसि । तत्थ तुमं दहूण मित्तवईए पण्हविस्संति थणगा । सामदेवं दहूण सुसारिक्खत्तणओ भणिस्सइ जणो— 'इह जवखदिन्न । पिया ते आगओ 'त्ति । एवं उद्दरिसिए तुट्ठो जक्खदिन्नो । इओ य सा मित्तवई अणुचियाहारदोसेण गहिया कुडवाहिणा, न पन्नप्पए गामोस हेहिं । पबलीहूओ वाही । आणिओ गोउलिएण वेज्जो | सामग्गी-अभावओ पच्चवखाया वेज्जेण । तीए निव्विन्नाए खामिऊण गोउलजणं महापूरभरियाए पवाहिओ अप्पा जउणा - सरियाए । कंठगयपाणा लग्गा अरुलुग-रुक्खे, तत्थडिया वूढा सत्त-दिवसाणि, अहम दिने अच्चंत - भुक्खियाए खद्धो अरडुग को डर-संभूओ वज्जकं दो, घारिया, तव्वीरिएणाऽऽलग्गा नई तीरे ओहट्टमिमीए जलं उद्धद्वावणएण ठिया सत्त- दियहे, लद्धा अट्ठम दिणे चेयणा, उडिया किच्छेण, सीयवायपीडिया गया मसाण-जलणे, खद्धाणि मसाण - बीजपूरगाणि । पच्चूसे दिट्ठा तलवरेणं, नीया गेहं । पडियरिया इंदवारुणि-भक्खिगच्छेली
"
खीराइणा जाया पुणन्नवा
Jain Education International
—
-
गंगावाडे चिट्ठ |
For Private & Personal Use Only
૧૧
-
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |