________________
१५०
सिरिसोमप्पहसूरि-विरइयं मुद्दासणाहुत्तरिज्ज-वेढियं काऊण दारयं अंगाई पक्खालण-निमित्तमुत्तिन्ना नईए । जाव तहिं अंगाई पक्खालेइ ताव सुणएण हरिओ दारओ, मुक्को आयमणोवविहस्स जउण-सिहिणो पुरओ । गहिओ सहरिसेण, दिहं मुद्दा-रयणं । सामदेव-सुओ त्ति नीओ अणेण गेहं, समप्पिओ मरंतवियाइणीए सित्ता-नामाए निय-घरिणीए । कम्म-धम्म-संजो एण तक्खणमेव “पसूया एसा, मओ चेव निग्गओ गब्भो । उज्झिओ एसो । अइक्वंते मासे कयं वद्धावणयं, नामं च दारगरस जक्खदिल्लो त्ति । तओ एस सुहेण वडई" | जओ----
संगामे गय-दुग्गमे, हुयवहे जालावली-संकुले, ___ कंतारे करि-वग्घ-सीह-विसमे, सेले बहूवद्दवे । अंभोहिम्मि समुल्लसंत-लहरी-लंधिज्जमाणंबरे,
सव्वो पुव्वभवज्जिएहिं पुरिसो पुन्नेहिं रक्खिज्जए ||१४|| इओ मित्तवई नईए उत्तरिऊण दारगं अपेच्छंती अन्लेसिउं पवत्ता । न दिहो तीए दारगो, तओ एगत्थ उवविसिय रोविउमाढता
हा देव्व ! तिव्व-दुक्खाण भायणं निम्मिया अहं चेव । अन्नो न को वि लद्धो इमाण भंडारिओ तुमए ||११५।। रे दिव्व०० ! दइय-विरहानलेण डांत-सव्व-गत्ताए । उप्पाइओ कलंको मह दुसहो फोडओ व तए ||१६|| निच्छूढा गेहाओ सासु-ससुरेहिं जणणि-जणएहिं । ७२अवहरिउं मह तणयं खयम्मि खारो तए विखत्तो ||११७।। एवं रुयंती आसासिया गोउलिणीहिं । 'अदेसयनुय'त्ति मयहरीए नीया गोउलं, पडिवना धूयं । जाव तत्थ कयवइ(कइवय)-दियहे अच्छइ ताव दिहा थी-लोल-वसंत-ठक्कुर-पाइक्केण, निवेइया सामिणो, जाइओ तेण गोउलिओ । तेण भणियं- न एस धम्मो संताणं । तओ सा अणेण हराविया, नियमिताए तीए कहं पि मओ वसंतो । 'अहो महासइत्ति पूईया तम्माणुसेहिं । मुक्वा य एसा । पयट्टा गोउलं । नग्गोह-हेहओ डक्वा सप्पेण, विहलंघला जीवाविया वुड्ड-सबरेण । पत्ता गोउलं । पुव्वठिईए गोउलिणीण मज्झे चिठमाणीए अइक्वंतो कोइ कालो । इओ य जक्खदिल्लो कालक्कमेण वडिओ देहोवचएणं कलाकलावेण य, तप्पभावेण
Jain Education International
For Private & Personal Use Only
www.jainelibrary.org
