________________
१४७
सुमहनाह-चरियं
सो गसिउमणो पेच्छइ कुलउत्तं कोव-कलिय-नयणेहिं । चउसु वि दिसासु चत्तारि विसहरा हरगल-सवन्ना ||८१४|| गुरुतर-ललंत-जीहा फुक्वार-विमुक्क-विसकणुक्केरा । चिटंति गसिउकामा तं चिय कुलपुत्तयं दीणं ||८१५|| छिंदंति मूसया तं पारोहं कसिण-सुक्किला दो वि । हत्थी य करग्गेणं केसग्गं तस्स परिमुसइ ।।८१६|| रोसावेसवसेणं पुणो पुणो आहणेइ वडविडविं । महुयाल-मच्छियाओ उड्डीणाओ तओ तुरियं ।।८१७।। कुलउत्तयं समंता ताओ खायंति रोस-विवसाओ । तत्तो महुकोसाओ चलियाओ कह वि महुबिंदू ।।८१८|| कुलपुत्तयस्स पडिओ नडाल-वहम्मि सो य पगलंतो । वयण-पएसं पत्तो जीहाए तं च कुलउत्तो ||८११|| आसाइउमाढत्तो सुहं च मन्नइ नियम्मि चित्तम्मि । वीसरिऊण समग्गं अवरं दुह-कारणं तत्थ ||300।। एस दिहतो, अवणओ पृण इमो- 'जहा विविह-सावय-संकुला अडवी तहा जम्म-जरा-मरण-रोग-सोगाइ-संकुलो संसारो, जहा ववहार-वज्जिओ गामो तहा असंववहाररासी, जहा असंख-पाडया तहा असंख-भवणा, जहा असंख-गोलया तहा असंख-निगोआ, जहा पामरा तहा निगोय-जीवा, जहा कुलपुत्तओ तहा संसारि-जीवो, जहा तस्स पिययमा तहा तस्स भवियव्वया, जहा तव्वयणेण गामंतर-गमणं तहा भवियम्वया-निओगेण असंववहार-रासि-मज्झाओ संववहार-रासिगमणं, जहा तत्तो वि अवरावर-गाम-परिब्भमणं तहा विगलिंदियपंचिं दिएसु उप्पत्ती, जहा भज्जा-वयणेण सेवा-वणिज्जाइ-करणं कुलपुत्तस्स तहा संसारि-जीवस्स भवियव्वया-पेरियरस सयल-तहाविहवावार-करणं, जहा सो वणहत्थी तहा मच्चु, जहा कूवो तहा माणुसभवो, जहा अयगरो तहा नरगो, जहा चत्तारि सप्पा तहा कोह-माणमाया-लोभा, जहा वडपायव-पारोहो तहा आउयं, जहा ते मूसया तहा कसिण-सुक्विला दो पक्खा, जहा ते मूसया वडपारोहं छिंदंति, तहा कसिण-सुविला दो पक्खा आऊयं छिंदंति, जहा ताओ महुमच्छियाओ
Jain Education International
For Private & Personal Use Only
www.jainelibrary.org
