________________
૧૪૬
सिरिसोमप्पहसूरि-विरइयं दहाओ, पासेमि सव्व-लक्खण-पवरंगे तुरंगे, रक्खेमि महाभरुव्वहणसहे वसहे, पाले मि विउल-भरवहे करहे, धरेमि गुरु-वेगप्पसरे वेसरे, बंधेमि समुदरिय-वक्खरे खच्चरे, संपाडेमि सयल-सुह-धरिसणं करिसणं, गच्छामि तत्थ जत्थ तुमं आणवेसि त्ति । अवि य–
नच्चेमि धणड्डाणं पुरओ पायडिय-बहुविहुवयारो । गाएमि गुणोहं ताणमेव वाएमि तूराई ।।८८२|| भंडत्तणं पयासेमि विविह-विनाण-जणिय-जणहासो । परगुण-पढण-पयट्टो जइ वा पयडेमि भदृत्तं ।।८८३।। विरएमि बहु-वियप्पं सिग्धं घड-लोह-चित्तकरणाई । अन्नं पि दुक्करं तुह वयणाओ आयरामि पिए ! ||८८४|| तो भज्जाए भणियं पहिह-मुहपंकयाए- सच्चमिणं । जं दईय ! तए वुत्तं ताऽहं तुह देमि उवएसं १८८५।। तुह नत्थि धणोवाओ गामेसु इमेसु जं वसंतस्स । ता कुणसु दईय ! देसंतरेसु गमणुज्जम इण्डिं ।।८८६।। एवं भणिओ निय-पिययमाए कुलपुत्तओ तओ चलिओ । तीए च्चिय अडवीए गएण कुद्धेण सो दिहो ।।८८७|| तं पिहओ विलग्गं उप्पाडिय-°गरुय-घोर-कर-दंडं । आगच्छंतं दहुं कुविय-कयंतं व दुप्पेच्छं ।।८८८|| कंपंत-सव्व-गत्तो इओ तओ खत्त-तरल-नयणजुओ । आढत्तो कुलपुत्तो पलाइउं मरण-भय-भीओ ||८८१|| सो जाव तं गइंदो करेण न च्छिवइ ताव तेणावि । दिहो तण-संछल्लो कूवो अच्चंत-गंभीरो ।।८१0।। कूवस्स तस्स तीर चिहइ वड-पायवो अइ-महंतो । वड-पायवाओ एक्को पारोहो कूवमोयरिओ ||८११।। कुलपुत्तएण कूवे पडतएणं भयाभिभूएण । पत्तो पारोहो सो तमेव अवलंबिऊण ठिओ ||८१२।। जा अवलोयइ कूवस्स अंतरे ताव पेच्छए तत्थ । गुरुय-वियारिय-वयणं अयगरमेक्वं महाकायं ||८९३||
Jain Education International
For Private & Personal Use Only
www.jainelibrary.org
