________________
१४५
सुमइनाह-चरियं
'अस्थि बहु-सरह-सद्दुल-सीहाइ-भीसणा, अलद्ध-पेरंता, मत्तकरि-कलह-भय-पलायंत-सत्त-संकुला एगा महाडवी । तीए य अस्थि हियाहिय-वियार-विरहियत्तणेण ववहार- वज्जिय-पसुत्तपाय-पामरसमूह-समहिहियासंख-भवणालं कि एहिं असंख-पाडएहिं अभिरामी गामो । तत्थ निन्विवेय-सिरोमणी निय-पिययमा-वयण-विणिग्गयवयणमेत्त-करण-तच्छिलो अत्थि एगो कुलपुत्तओ । सो य सयल-कलावज्जिओ धरिओ चिरकालं तत्थ भज्जाए । कयाइ संजायाणुकूलभावाए तीए भणिओ सो- 'अज्जउत्त ! एत्तिय-कालं तुमं ववहार-विरहिओ ठिओ, तं च अजुत्तं । जओ
ववहार-विरहिओ खलु पुरिसो लहुयत्तणं लहइ लोए ।
गुरुदेवाऽतिहिपूया-कुडुंबभरणेसु असमत्थो ॥८८१।। ता इओ निग्गंतूण गामंतरं वच्चामो । तत्थ वत्थव्वय-जणस्स ववहारो [सुह] सुव्वइ'। तव्वयणेण गओ कुलपुत्तओ तं गामं, ठिओ तत्थ चिरकालं कलत्त-मुहकमल-पलोयण-सयहो । अन्नया पूणो वि भणिओ- 'पिययम ! एत्थ वि न तहाविहो को वि ववहारो । ता अन्नत्थ वच्चामो ।' कुलपुत्तएण भणियं - 'सुयणु ! जं तुमं आणवेसि । तुमं विणा अन्नो न चक्खुभूओ कोइ, तुमं चेव मह मई गई सरणं'ति । तओ 'सो निद्देसकारि'त्ति संत्तुहमणाए अणाए वसाविओ उत्तरोत्तर-गुण-विसिहेसु "बहुय-गामेसु, तेसु वि असंपज्जमाण-मणवंछियत्थ-सत्थो कहेण कालं वोलेइ ।
अन्नया भणिओ भज्जाए - 'दईय ! जइ मह वयणं करेसि ता तुम अच्चंत-सुहियं करेमि ।' कुलपुत्तएण भणियं- 'पिए ! किमेवं भन्नइ ?| जइ तुम भणसि ता निसियग्ग-खग्ग-वावड-करो करेमि परिहरियावरवक्खेवं रायसेवं, तुटुंत-सास-पसरो धूली-धूसरो धावेमि तस्स पूरओ, पविसामि सामि-कय-पसाय-निक्कय-निमित्तं मत्त-करिकडा-घडिय-डमरं समरं, विहेमि अगणिय-वयणिज्जं वाणिज्जं, वच्चे मि चोर-चरड-कओवद्दव-निरंतरं देसंतरं, तरेमि उल्लसंत-अब्भंलिह-लहरिवार-दुव्वारं पारावारं, खणे मि नाणारयण-सोहणं रोहणं, सेवे मि अलियवाइणो धाउवाइणो, विरएमि दंसिय-किलेसं विवर-पवेसं, आणेमि देसंतराओ मयगंध-लुद्ध-भमर-दिन्न - कन्नताल-चवेडाओ "हत्थि
Jain Education International
For Private & Personal Use Only
www.jainelibrary.org
