________________
१४४
सिरिसोमप्पहसूरि-विरइयं वाहरिउं पाहरिए पुच्छइ - किं तोडियं सहत्थेणं । तं अंबफलं ? अहवा पडियं भूमीए संगहियं ? ||८७१।। तेहि भणियं - ‘पडतं तमंबयं सामि ! निद्द-विवसेहिं । अम्हेहिं न नायं तो पडियं धरणीयले गहियं ।।८७२।। अह भणइ निवो - 'नूणं विसहर-गरलावगुंठियं बाहिं । तं अंबं कहमिहरा मरणं विप्पस्स संजायं ? ||८७३|| धिद्धी अहो ! अकज्जं अवियारियकारिणा मए विहियं । छिंदाविओ जमेसो अमयंबो परसु-घाएहिं ||८७४।। जम्हा विसरुक्खो वि हु सयमेवारो विऊण न हु जुत्तो । गरुयाण छिंदिओ किर किं पुण एवंविहं रयणं ।।८७५।। नत्थि मह को वि सरिसो अवियारियकारओ जए पुरिसो । जेणेरिसो अणत्थो विहिओ आजम्म-तावकरो ||८७६|| एवं तुमं पि अवियारिऊण नीसेस-सोक्खनिहि-भूए । विसए परिच्चयंतो मा पच्छायावमुव्वहसु ||८७७||३|| कुमारेण भणियंजे मज्जं व हियाहियत्थकलणा विलाण-विच्छेइणो,
जे किंपागफलं व पुव्वमहुरा पज्जंत-दुक्खावहा । जे निद्द व्व दुरंत-मोह-लहरी-उल्लास-संपाइणो, . किं ते हं विसए विसं व विसमे सेवेमि जाणंतओ ? ||८७८।। जे संसार-महीरुहरस सलिलुप्पील व्व संवघ्या,
जे मेह व्व विवेय-वोमरयणा लोयाऽवहारक्खमा । नीहार व्व विसुद्ध-बुद्धि-नलिणी-विच्छेयछेया य जे,
को ताणं विसयाण सेवणकए कुज्जा बुहो उज्जमं ? ।।८७१।। अवि यविसएसु सोक्खं सरिसव-तुच्छं दुहं तु गिरि-गरुयं ।
महुबिंदु-पमुद्धो कूवगय-नरो एत्थ दिहतो ||८८०।। मयणलेहाए भणियं- 'सामि ! को एसो कूवगय-नरो ?'। कुमारेण भणियं
Jain Education International
For Private & Personal Use Only
www.jainelibrary.org
