________________
૧૪૨
सुमइनाह-चरियं
कंदलिओ अज्ज इमो अज्ज इमो जाय-निबिड-थुडबंधो । अज्ज इमो साहालो अज्ज इमो मंजरि-सणाहो ||८६०।। इय पइ-दियहं आरामिएहिं वद्धाविओ नरवरिंदो । वियरइ दाणं वद्धावयाण भसलाण व गइंदो ||८६१।। फल-पारंभं राया सुणिऊणं हरिस-पुलइय-सरीरो । भणइ इमे जत्तेणं रक्खेज्जह संपइ फलाई ।।८६२|| एवं "जोयंताणं ताणं अह पढमंबयं एक्वं । दिव्ववसेणं कहमवि पडियं रयणीए" सुत्ताण ||८६३।। दहण तयं पडियं अच्चत्थं हरिसिएहिं तो तेहिं । गहिउण पभायम्मि समप्पियं पुहइरायस्स ||८६४|| तत्तो चिंतइ राया जह - 'देमि इमं विसिहपत्तस्स |
वर-दक्खिणा-समेयं भक्खिस्सं अप्पणा अल्लं' ||८६५।। तओ वाहरिओ देवसम्मो विप्पो, संमाणिऊण भणिओ- 'पढमं ति तुह दिन्नं एय ममयंबयं' । सो वि घेत्तूण तं गओ घरं । काऊण देवयाइपूयं जा देइ मुहे ता गया तस्स पाणा । केणावि विन्नत्तमेयं महीवइणो । तेण जंपियं- 'अहह ! अकज्जं जं सो गुणनिही विवन्नो । नूणं विसंबो एसो । केणावि वेरिणा मह पाण-विणासणत्थं पेसिओ । ता कट्टेह लहुं'।
सोऊण इमं वयणं, गंतुं पुरिसेहिं परसुहत्थेहिं । मूलाओ छिंदिऊणं महिवढे पाडिओ सहसा ||८६६|| सुणिऊण इमं पच्छा मरणत्थं जीवियव्व-निम्विना । वेरग्गिणो मणुस्सा गलंतकुडोवहय-देहा ।।८६७।। नूणमिमो सो मच्चु ति कलियं भक्खेइ को वि हु अपक्वं । को वि पुण अद्धपक्वं अंबफलं कसरयं को वि ।।८६८।। तो भक्खिएसु तेसुं जाया ते अमरकुमर-सारिच्छा । ते पेच्छिऊण राया विम्हइओ चिंतइ एवं ||८६१|| 'किं एए नीरोगा जाया मयरद्धय व्व पच्चक्खा ? | किं वा वि मओ विप्पो ? एयं अच्चब्भुयं किं पि ||८७०।।
Jain Education International
For Private & Personal Use Only
www.jainelibrary.org
