________________
सिरिसोमप्पहसूरि विरइयं पच्चभिजाणिओ सत्थवाहेण । निविट्ठा दो वि ̈पड उडी - मंडवे कणयासणेसु । लज्जोणय- वणिओ ( वयणो ) भणिओ पल्लीवई सत्थवाहेण - 'भद्द ! कुसलं ते ? '| तेण भणियं- 'कहं मह कुसलं जो हं कयग्घसेहरी तुज्झ वि परोवयारिणो अकुसलं चिंतेमि ? ता सत्थवाह ! निय-चलण-अक्कमणेण मह पल्लिं पवित्तीकरेसु, जेण मह तोसो हवइ ।' सत्थवाही वि 'अहो ! महाणुभावया एयस्स'त्ति मन्नंतो गओ पल्लिं । तं च निरंतर - निहय-गय- दंत- रइय-पायारं, करि-कुंभत्थल- गलियमुत्ताहलुक्कुरुड-मणहरायारं, अतुच्छ-चमरी- पुच्छ-संछन्नं, विचित्त-चित्तयचमरवन्नं, रिंछ- बाल-कय-मंडवं, पवण- पहय- घर - सिर- निवेसियमोरपिच्छ - पारद्ध-तंडवं पेच्छंतो पत्तो सत्थवाही पल्लिनाह - भवणं । समप्पियं तस्स पल्लिवइणा मुत्ताहल - गयदंत-चित्तयखल्लाइयं महरिहं पाहुडं । तं च तदुवरोहेण घेत्तूण समागओ निय-सत्थं । कमेण पत्तो निय - नयरं, पविडो महाविभूईए । महग्घ- रयण - भरिय थालस्सो वरि ""अमयमंबयं ठाविऊण गओ राय-दंसणत्थं । पडिहार - निवेइओ पत्तो राय-सयासं । समप्पिय पाहुडो पणमिऊण निविट्ठो सत्थवाहो । पु कुसल -वत्तं रण्णा, विम्हय-वसुप्फुल्ल- लोयणेण य भणियं'सत्थवाह ! अच्छेरयमिणं जं सव्व रयणाणं उवरि निवेसियं एयमंबयं । ता कहेह एत्थ परमत्थो ।' सत्थवाहेण कहिओ सव्वो वि वइयरो । रन्ना तुद्वेण मुक्कं सुंकं । 'महापसाओ' त्ति भणतो गओ सत्थवाहो निय- घरं |
૧૪૨
अह पुहइराय-राओ घेत्तूण तमंबयं निय-करम्म | चिंतेइ किमेएणं एक्क सरीरोवउत्तेणं ? ||८५५||
तम्हा निययारामे एयं वावेमि जेण बहुयाई । जायंति अंबयाई बहूण तो होइ उवयारी ||८५६ || अवमच्चु - रोग - जर-हरणमंबयं भक्खिऊण एक्केक्कं । हुति अमर व्व मणुया अहं पि अमरेसरो होमि || ८७७ || तो आणवइ नरिंदो पुरिसे 'वावेह जत्तओ एगं' । तेवि कुणति तह च्चिय कयावहाणा य रक्खति ॥ ८५८ || अंकूर - समुब्भेए तहा दु-चउ-पत्त-संभवे सहसा । वद्धावंति नरिदं पाविंति य वंछिय-फलाई || ८५१||
Jain Education International
For Private & Personal Use Only
www.jainelibrary.org
