________________
૧૩૮
सिरिसोमप्पहसूरि-विरइयं पवर-रहारुढो चलिओ धणदत्तो । नियत्तमाणस्स य पिउणो पडिओ चलणेसु । विहिय-करकमल-कोसो य अणुसासिओ पिउणा, जहा'वच्छ ! सुहलालिओ तुमं, अच्चंत-सरलो य पयईए, दूरं देसंतरं, विसमा दिव्वगइ, दुग्गमा मग्गा, दुप्परिपालणीयं भंडजायं, निवारण-कुद्धा चोर-चरडा, वंचण-पवणा धुत्ता, मायाविणो वाणियगा, ता सव्वहा कयाइ पंडिएण, कयाइ मुरुक्खेण७५, कयाइ दयालुएण, कयाइ निग्धिणेण, कयाइ सदयेण, कयाइ सुहडेण, कयाइ कायरेण, कयाइ चाइणा, कयाइ किवणेण", किं बहुणा ? सायरेणेव परेहिं अलद्ध-मा-हियएण होयव्वं'ति भणिऊण नियत्तो सेही । धणदत्तेण वि दिन्नं पयाणयं । एत्थंतरे सत्थियाणं पयट्टाया" आलावा
रे रे जोत्तसु सगडं लायसु मग्गेण मा चिरावेसु । महिसेसु तडंगाई जल-पडिपुन्नाई संठवसु ||८४५|| लद्देसु वर-बइल्ले कोक्कसु करहे, रहेसु खणमेक्वं । जाव चडावेमि अहं वक्खरमेयं असेसं पि ||८४६।। पउणीकरेसु खर-वेसरे य आरोविऊण गोणीओ । पल्लाणेसु तुरंगे निय-जव-निज्जिय-पवणवेगे ||८४७।। इय विविहालावयरं सत्थं संवाहिउं असेसं पि । धणदत्तो जाइ पहे “पहूय-पाइक्छ-परियरिओ ||८४८।। धरणी नाणाविह-भूरि-भंड-संभार-भार-अक्वंता । रसइ व्व सखेआ सगड-चक्क-चिक्कार-सद्देण ||८४१।। भूरि-भरक्वंता वि हु करहा मग्गम्मि संचरंता वि । विलिहंति तरुणं अग्ग-पल्लवे वालियग्गीवं ||८५०।। रेहंति रयवसालक्ख-चलणपाया समुच्छलंतीहिं । पास-दुग-हिअ-गोणीहिं वेसरा जाय-पक्ख व्व ।।८५१।। कज्जलवला जलभर-संपुन-तडंग-वाहिणो महिसा । छिंदंति तिसं लोयाण पुल्न-आयड्डिय व्व घणा ||८५२||
वच्चंतो य सत्थवाहो कमेण पत्तो सिरिउर-नयर-बाहिं, आवासिओ तत्थ । एत्थंतरे सासभराऊरिज्जमाण-वयणो, खलंत-वयणो, इओ तओ पडिक्खित्त-सुन- नयणो, तुरिय-पय-निक्खेवो, भय-कंपंत-सव्वंगो,
Jain Education International
For Private & Personal Use Only
www.jainelibrary.org
