Page Text
________________
सुमइनाह-चरियं
१३१ 'सरणागओ अहं तुज्डा'त्ति भणं तो पत्तो एगो पुरिसो सत्थवाहपडकुडीए । तओ सत्थवाहेण 'मा बीहसु' त्ति भणंतेण दवावियमासणं, तयणुमग्गे लग्गा य उग्गीरिय-पहरणा कोदंड-समारोविय-सरा ‘हण हण हण' त्ति भणंता पत्ता रायपुरिसा । भणिया य ते सत्थवाहेण- 'भो भो ! किमवरद्धमणेण ? ।' तेहिं भणियं-- 'सत्थवाह ! एसो खु रायचेडो चोरिऊण रायालंकारं जूयं रमंतो पाविओ अम्हेहि, गहिऊण निवेइओ निवइस्स, तेणावि वज्झो समाणत्तो, मंतिणा विन्नत्तो राया जह- 'देव ! अलंकारो लब्भइ ताव विलंबेउ देवो' । रना भणियं- ‘एवं करेह' | तओ पक्खित्तो गुत्तीए । अज्ज रयणीए पुण पच्छिमे जामे भंजिउण निगडे, मारिऊणं आरक्खिए, निग्गओ काराहराओ, निग्गच्छंतो अ कहवि नाओ अम्हेहिं, धाविया य एय-पिट्ठओ अम्हे, पविहो य सरोवरासने वणगहणे, बहलत्तणओ य तस्स भालविया अम्हे एत्तियं वेलं । इण्डिं तओ निग्गंतूण पविहो तुम्ह सरणे । ता सप्पुरिस ! समप्पेसु एयं रायविरुद्धकारिणं ।
सत्थवाहेण भणियं-- 'अस्थि एवं, किंतु सरणागय-समप्पणं पि न जुत्तं' । तेहिं भणियं- 'जइ एवं तहावि अम्हे राय-सयासाओ न छुट्टामो' । सत्थवाहेण भणियं-- 'किं इमिणा रायालंकारो समप्पिओ न वा ?' | तेहिं भणियं- 'समप्पिओ' । सत्थवाहेण भणियं--- 'तो पडिक्खह खणं, खोणीवई विनवेमि जाव अहं' । तेहिं वृत्तं- 'एवं होउ' त्ति । गओ राय-पासं सत्थवाहो पडिहार-निवेइओ पविहो, समप्पियाऽणेण एगा महग्घा रयणावली राइणो । भणिओ सत्थवाहो राइणा-- 'भद्द ! कत्तो इहागओ सि ?' | सत्थवाहेणावि साहिओ सव्व-वुत्तंतो नियागमण-पओयणं च । रज्जा वुत्तं- 'जइ वि अवराहकारी तहावि तुह वयणेण विमुक्को एसो' | सत्थवाहो वि 'महापसाओ'त्ति भणंतो पहाणरायदय-समेओ गओ नियावासं । दुरणावि रायाएसं कहिऊण मोयाविओ तक्करो । सो य सत्थवाहेण अप्पणा सह भुंजाविऊण भणिओ जहा'भद्द ! विरुद्धमेयं तुज्झागिईए | ता मा पुणो करेज्जासु' ति । तेण भणियं- 'सत्थवाह ! नियत्तो हं एआओ असच्चरित्ताओ । करिस्सामि संपयं किंचि वय-विसेसं । एवं च कए तुज्ा वि मए पियं कयं होइ । अन्नं च, मह अत्थि सपच्चओ भूयाइ-निग्गहण - मंतो, ता तं तुमं गिण्हसु ति पत्थेमि' । सत्थवाहेण वि पत्थणा-भंग-भीरुणा गहिओ मंतो, गओ य
Jain Education International
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |