________________
૧૨૬
सिरिसोमप्पहसूरि-विरइयं तग्गयहाणाओ अणेगाइं जोअण-सयाई समागयं जाणवत्तं, अत्थाहं च सलिलं. ता कहं निभालिज्जउ ?' ति । तओ विलक्ख-वयणो संवृत्तो पुन्नसारो ||२||
ता 'भद्दे ! नाहमे रिसो जो सयल-चिंतियत्थ-संपायणं पाविऊण चिंतामणिं व माणुसत्तणं पमाय-परवसो हारेमि' |
तओ भावि-दइय-दुस्सह-विरह-दुह-दूमिज्जमाण-देहाए भणियं मयणलेहाए
'जं निउणमईए विआरिऊण कज्जं विहिज्जइ नरेण । परिणामो तस्स च्चिय सुहावहो होइ लोयम्मि ||८३२|| इहरा विसंवयंतम्मि तम्मि कज्जम्मि जायए गरुओ । पच्छायावो सहयार-छेयणे जह नरिंदस्स ||८३३|| कुमारेण भणियं- 'को सो सहयार-छेयगो नरिंदो ?' मयणलेहाए भणियं--- सुण, ४ अत्थि परत्थ-समत्थण-कयत्थ-पुरिसोह-सोहियं नयरं ।
ललणाभरण-पहापडल-पाडलं पाडलउरं नयरं ।।८३४।। तत्थ पुहइराओ राया रिउरमणि-नयण-नीरप्पवाह-संबंध-लद्धमाहप्पो । रेहइ समुज्जलो जरस जस-भरो रायहंसो व्व ||८३५।। तस्स सुतारा देवी मयरद्धय-मयरायर-दूर-समुच्छलिय-लालसा जीए । नस्संति(?छिज्जति)मच्छ-रिछोलि-सच्छहा अच्छि-विच्छोहा ॥८३६||
तत्थ अवगय-सयल -कलासत्थ-वियारत्तणेण विनाय-नाय-सारो, नीसेस-देसभासा-वियखणत्तणेण विहिय-विविह-देसागय-वणियववहारो रयणसारो सेट्ठी । तस्स विमल-सीलालंकार-सुंदर-सरीरुव्वूढलज्जा अणवज्ज-कज्ज-सज्जा रज्जा भज्जा ।
दीणेसु दिन्न-वित्तो तत्तत्थ-वियार-निहिय-निय-चित्तो । देव-गुरु-पाय-भत्तो, ताण सुओ अत्थि धणदत्तो ।।८३७।।
Jain Education International
For Private & Personal Use Only
www.jainelibrary.org
