Page Text
________________
सुमइनाह-चरियं वारिओ देवयाए । तहा वि न विरमइ । एवं तइय-वारं पि । ताहे देवयाए चिंतियं– निच्छओ खु एसो । तओ अन्न-दिणे खणंतस्स दंसिओ चिंतामणि, दहूण तं हरिसिओ पुनसारो | अवधारियाइं तस्स लक्खणाई, संठाइयाइं रयण-परिक्खा-सत्थेण | सविसेस-आणं दिय-मणो गओ "नियावासं | पूइऊण जहाविहिं तम्मि दिणे ठिओ निराहारो । 'जइ सच्चं एसो चिंतामणी ता "सुवनस्स लक्खस्सोवरिं हविज्ज' ति काऊण पणिहाणं पसुत्तो रयणीए, पभाए तहेव पिच्छिऊण हरिस-निब्भरो संवुत्तो | अन्न-दिणे निय-नयरं गंतुकामेण उब्भिओ भिन्न-पोयद्धओ ।
इओ य धणदेव-नाइत्तगेण समुद्द-मज्झे भोगपुरं गच्छंतेण दहण तं पेसिया निय-परिसा । भणिओ अ तेहिं- 'भद्द ! पेसिया अम्हे धणदेवनाइत्तगेण, भणिया य - 'को वि एस महासत्तो भिन्नपवहणो चिहइ । ता एयं गेण्हिऊण आगच्छह' त्ति, ता तुमं समारुहसु बेडियं | तओ समारूढो पुन्नसारो, भणिओ य तेहिं- 'भद्द ! अत्थि ते किंचि ?' तेण भणियं - 'अत्थि इमो सुवन्न-लक्खो' | तओ पयहो गंतुं तेहिं समं, मिलिया धणनाइत्तगस्स, वुत्तो अ पुन्नसारो अणेण– भद्द ! कत्थ गंतव्वं ? तेण भणियं- 'भोगपुरे' । नाइत्तगण भणियं 'अम्हे वि तत्थ वच्चिस्सामो । सोहणं संवुत्तं जं तुमए सह संगमो, ता सुहं समागच्छसु । आगच्छंताण य समुद्द-मज्झे मज्झ-रत्त-समए सरय-पुन्निमाए पुनसारो सरीरचिंता-निमित्तं उहिओ, ठिओ जाणवत्त-तड-गवक्खगे, "पासिऊण सयल-दिसिवहू-वयण-विब्भम-दप्पणं चंद-मंडलं हरिसवस-विसंथुल-चित्तो चिंतिउं पवत्तो- 'अहो रमणिज्जया चंद-मंडलस्स ! एयप्पहा-निउरुंब-करंबिओ लवणम्बुरासी वि दुद्धोअहि व्व पडिहाइ । जारिसं एयं तारिसं किमन्नं पि किंचि अत्थि वत्थु ति चिंतयंतस्स ठिओ से चित्ते चिंतामणी । उट्टियाए कडिऊण तं निवेसिऊण करयले पलोइउं पवत्तो-- 'अहो ! ससिणो चिंतामणिस्स य सव्वहा सरिसत्तणं' ति चिंतयंतस्स पयंड-पवणपणोल्लिय-पवहणंदोलणेण गलिओ करयलाओ चिंतामणी । तओ हाहारव-गब्भिणं 'मुट्ठो मुट्ठो हं धरेह भो जाणवत्तं ति पलविउं पवत्तो | तं सोऊण पज्जाउल-मणेण नाइत्तगेण निजामगेहिं तो धरावियं जाणवत्तं । ४°महा-किलेसेण ठिए तम्मि पढो नाइत्तगेण- ‘भद्द ! किं पलवसि ?'| तेण वुत्तं सोगभर-गग्गय-गिरेण - 'करयलाओ मे गलिओ चिंतामणी एत्थ, ता तं निभालेह' । नाइत्तगेण भणियं— 'जत्थ पुव्वमक्वंदिअं तुमए
Jain Education International
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |