________________
૧૨૮
सिरिसोमप्पहसूरि-विरइयं गहियव्वा दम्व-खित्त-काल-भावाभिवगहा, वज्जणिज्जं जावज्जीवमज्जणं, सईयव्वं भूमि-सयणेण, लुंचियव्वा ससोणिया केसा, करणेज्जं निप्पडिकम्मत्तणं, वसियव्वं गुरुकुल-वासे, सोढव्वा 'छुहा-पिवासाईया परीसहोवसग्गा, वट्टियव्वं लद्धावलद्ध-वित्तीए, खणं पि न परिच्चइयव्वो अट्ठारससहस्स-सीलंग-भारो, तमिणमणुहाणं लोहमय-चणय-चव्वणं व, निस्साओ वालुया-कण-कवलणं व, निसिय-करवाल-धारा-चंकमणं व, जलंत-जलणजाला-जालपाणं व, भुयाहिं अपार-पारावार-तरणं व, तुलाए तियस गिरि-तोलणं व, "सुरतरंगिणी-पडिसोय-संचरणं व, एगागिणा पबल-परबल-दलणं व, राहावेह-विहाणं व दक्करं' । कुमारेण भणियं- 'दुक्करं कायराणं, न उण धीराणं । जओ
पविसंति रणं लंघंति जलनिहिं गिरिवरं पि तोलिंति । तं नत्थि जए वित्थिन्न-साहसा जं न कुव्वंति' ||८०१||
जणएहिं भणियं- 'कुमार ! तुह सुकुमारसरीरस्स मालईदामस्सेव ... मुसल-मुसमूरणमणुचियमिणमणुढाणं ।
नहि नीलुप्पल-दल-धाराए कह[स्स] कट्टणं कीरइ । ता वच्छ ! दुक्ख-बहुला पव्वज्जा न तुह जोग्ग' त्ति ||८०२।। कुमारेण भणियं-- 'ताय !
नारय-तिरिय-नराऽमर-गइ-सरुव-संसार-समुब्भवाणं दुक्खाणं अणंत-भागे वि न पव्वज्जाए दुक्खं । तहा हि
अच्छि-निमीलिय-मित्तं नत्थि सुहं दुक्खमेव अणुबद्धं । 'नरए नेरईयाणं अहोनिसं पच्चमाणाणं ||८०३।। तिरियाण वि जं दुक्खं अंकुस-कस-पहार-पमुहेहिं । तं सयल-जयप्पयडं को वण्णइ एक्क-जीहाए ? ||८०४।। चारग-निरोह-वह-बंध-रोग-धणहरण-परिभवाईहिं । पडिपुन्नाणं दुक्खेहिं माणुसाणं पि नत्थि सुहं ||८०५।। ईसा-विसाय-पियविप्पओग-पेसत्त-चवण-पमुहेहिं । विनडिज्जति सुरा वि हु विविहेहिं दुक्ख-लक्खेहिं ।।८०६।। संसारिय-दुक्खाणं नत्थि इमाणं विमोक्खणोवाओ । अल्लो जयम्मि मोत्तुं 'इक्वं जिण-अक्खियं दिक्खं ।।८०७।।
Jain Education International
For Private & Personal Use Only
www.jainelibrary.org
