________________
११८
सिरिसोमप्पहसूरि-विरइयं गयणंगणाओ किं पबल-पवण-उप्पाडिओ पूणो पडइ । एसो असेस-रयणायराण रयणाण उप्पीलो ||७६८।। किं चनिरालंबण-गयण-मग्ग-चंकमण-खेय-निविघ्नं । एयं धरणीवलयम्मि सयलमोअरइ गहचक्कं ||७६१।। पुलफल-विसय-संदेह-विहर-हिययाण धम्मिय-जणाणं । पच्चय-निमित्तमेसो किं वा सग्गो सयं एइ ? ||७७०।। एवं वियप्पमालाउलेहिं लोएहिं सच्चविज्जंती ।
पत्ता विमाण-पंती रयण-वियाणं व पुरमुवरिं ॥७७१।। __ तओ विज्जाहरेहिं अग्गओ आगंतूण कुमारागमणेण वद्धाविओ विजयसेण-महाराओ । तेणावि परिओसवस-विसप्पंत-हियएण आणत्तो नयरे महूसवो ।
तो ठांवि ठांवि निम्मविय मंच, वित्थरिय विविह-रयणप्पवंच । नच्चंत-विलासिणि विजिय-रंभ, कय कयलियलंकिय कणय-खंभ । नीसेस-लोय-नयणाणुकूल, ओलंबिय मणि-मुत्तावचूल । पल्लविय गयण-पटुंसुओह, सव्वत्थ पयट्टिय हह-सोह । कुसुमोवहार पइ पइ विमुक्त, घरि घरि विइब्न मोत्तिय-चउक्त । पहि पहि निबद्ध तोरण-महंत, जणि जणि पिणद्ध आभरण-कंत । पडमंडव विरइय छत्तसूर, गंभीर-घोस वज्जंत तूर । उल्लासिय धय गयणग्ग-लग्ग, कुंकुम-रसि सिंचिय रायमग्ग ।
[घत्ता] इय हरिस-समुभवि कयइ महूसवि पवरि पढंतई बंदियणि । विप्फारिय-नयणिहिं दिहउ रमणिहिं कुमरु पविहउ निय-भवणि ।।७७२।।
निवडिओ जणणि-जणयाण पय-पंकए । तेहिं परिरंभिओ य चूंबिओ मत्थए । अह वहयाओ पणयाओ । तयणंतरं धरणितल-लुलिअसिर-हरिस-भर-निब्भरं पिउ-गिराए निसनो सुवण्णासणे । दसए खयर-पणमंत-मणि-भूसणो,महुर-वयणेहि जणएहिं संभासिओ सव्ववुत्तं तो कहइ सो हरिसिओ । तं सुणेऊण वियसंत- लोअण-जुआ
Jain Education International
For Private & Personal Use Only
www.jainelibrary.org
