________________
सुमइनाह-चरियं
सुहयस्स दंसणं तस्स दुल्लहं मज्झ मंदभग्गाए । ता इहिं मन्ने हं मरणं चिय अप्पणी सरणं ||७११|| सोऊण इमं कुमरो चिंतइ तरसेव जीवियं सहलं । जम्मि अणुरत - चित्ता खिज्जइ एवं इमा बाला || ७२०|| कन्ना सहीहिं भणिया 'सहि ! मा उत्तम्म धरसु धीरतं । हरिणच्छि ! निच्छियं ते १३ होहिं ति मणोरहा सहला ||७२१|| पोयणपुरम्मि जम्हा पडविओ पुरिससीह कुमरस्स । आणयणत्थं ताएण अज्ज विज्जुप्पहो खयरो' ||७२२|| अह निय - नामं सोउं फुरंत हरिसो विचिंतए कुमरो । नूणं इमीए बालाए कारणेणाहमाणीओ ||७२३|| एत्यंतरे उवितं दहुं विज्जाहराण संघायं । कुमरो नियत्तिऊणं पत्तो कंकेल्लि - तरु-मूले ||७२४|| उचिय- पडिवत्ति-पुव्वं पवेसिओ तेहिं रयणउर-नयरे । ठविओ विउलम्मि विमाण मणहरे रयण- पासाए ||७२५|| भणिओ समए रयणप्पहेण खयराहिवेण सप्पणयं । 'सुण रायपुत्त ! अवहार-कारणं अप्पणी एवं || ७२६ || अत्थि चउण्हं पुत्ताणमुवरि मे रयणमंजरी धूया । अहिगय-कलाकलावा संपत्ता जोव्वणं सा वि ||७२७॥ मह पणमणत्थमत्थाण- मंडवे जणणि पेसिया पत्ता | तीए रुवाइसयं दहुं भणियं मए एवं ||७२८||
सोनत्थि नरो मन्ने इमीइ रुवेण जो वरो जुग्गो । तत्तो विज्जाहर-मागहेण इक्केण संलत्तं ॥ ७२१|| सिरि- विजयसेण - रायस्स नंदणी रूव तुलिय- कंदप्पो । नीसेस- कला - निलओ नामेणं पुरिससीहो त्ति ||७३०|| पोयणपुरम्मि चिट्ठइ संपइ पुरिसोत्तमस्स पासम्मि । सो रयणमंजरीए देव! इमीए वरो उचिओ ||७३१|| इय सोऊणं तीए तहाणुराओ तुमम्मि संजाओ ।
जह विज्जाहर - कुमराण सहइ नामं पि कह वि न सा ||७३२||
For Private & Personal Use Only
Jain Education International
-
111
1
www.jainelibrary.org
