________________
110
सिरिसोमप्पहसूरि-विरइयं रयणप्पह-विज्जाहर-रायस्स कहेमि तुज्या आगमणं । इय जंपिऊण पत्तो खयरो अह चिंतए कुमरो ||७०८।। हरिओ म्हि किमिमिणा खेयरेण ? किं वा इमीए चिंताए ? | दिव्वं चेय पमाणं जणाण सुह-दुक्ख-संजणणे ।।७०१।। पेच्छामि ताव संपइ पगाम-रमणिज्जमेय-उज्जाणं । तो वियरंतो पत्तो तमाल-तरु-मंडवं कुमरो ।।७१०।। सोऊण तत्थ इत्थी-संलावं पेच्छए लयंतरिओ | कुसुम-सयणिज्ज-संठियमेक्वं कन्नं सही-सहियं ||७११|| तो चिंतए कमरो का वि इमा कमल-दल-विसालच्छी । विरह-दसाइ उदग्गं कस्स वि साहेइ सोहग्गं ||७१२|| जओइमीए मुह-पंकयं कय-समत्त-नेतूसवं,
कलंक-परिवज्जिअं पुलइउं ससी लज्जिओ । विसेस-सिरीययं समुवलन्दुकामो धुवं,
नडाल-नयणानलं तिणयणस्स संसेवए ।।७१३|| अह कन्नाए भणियं सहि चूयलए ! गिहं विमोत्तूण । उज्जाणमागया हं महु-समय-विसेस-सिसिरमिणं ॥७१४|| कुसुमाउहेण सुलहेहिं कुसुम-बाणेहिं भिज्जमाणाए । मह उज्जाणं एयं पि पज्जलंतं व पडिहाइ ||७१५|| तहाहिजालाहिं पिव मंजरीहिं हिययं दूमंति चूयडुमा,
इंगाल व्व न दिति लोयण-सुहं कंकिल्लिणो पल्लवा । संतावंति तणुं पलास-कुसुमुक्केरा फुलिंग व्व मे,
भिंगालीउ वि संहरंति हरिसं धूमावलीओ विव ||७१६|| कयं कयलि-वीयणं, कुसुम-सत्थरो सज्जिओ,
विणिम्मियमुरुत्थले, बहल-चंदणालेवणं । भुयासु वलयावली विरइया मुणाली तए,
तहा वि न नियत्तए सहि ! सरीर-दाहो महं ।।७१७।। किं च, पंचसरो वि हु मयणो सर-लक्खं मज्ा हियय-लक्खम्मि । जं मिल्लइ तेण मए लक्खिज्जइ एस लक्खसरो ||७१८।।
Jain Education international
For Private & Personal Use Only
www.jainelibrary.org
