________________
सुमहनाह-चरियं
109
भणियं— सिग्घं पवेसेहि । 'आएसी' त्ति भणतेण पवेसिया तेण । उचिय- पडिवत्ति-पुव्वं निवेसिया आसणेसु । पुट्ठा य रन्ना- 'अवि सपरिवाररस कुसलं कुलवइणो ? निव्विग्धं निव्वहइ तवोकम्मं ?, तावसकुमार- कर-कय-सलिल- सेय-निच्च सद्दला निरुवद्दवा आसमदुमा ?, वुड्ड-तावस समप्पियनीवारा अनिवारा भमंति मण - पमोअया तवोवण- हरिण-पोयया ? | केण वा कज्जेण निय-पय-पंक एहिं पवित्तियं ठाणमेयं ?' ति । तेहिं भणियं - 'चउरासम- गुरुणी महारायरस पभावेण सव्वत्थ कुसलं, केवलं
कत्तो वि आसमपए संपत्ती अत्थि करिवरो एगो । जो वित्थिन्न - समुन्नय-कुंभत्थल- तुलिय- गिरिसिहरी ||७०५|| सव्वंग- लक्खणधरो दीहकरो दसण दलिय - दुमविसरो । दुव्वार - गइप्पसरो मयगंध-भमंत- भमरभरो || ७०६ ||
सो य महाराय -जोग्गं हत्थि रयणं । अन्नं च— किं चि आसमदुमाणं विद्दवं करेइ त्ति पेसिया अम्हे कुलवइणा । रन्ना भणियं 'महंतो अणुग्गहो कओ अम्हं' । ति सम्माणिऊण ते विसज्जिया । पत्थिओ य हत्थि - गहणत्थं पत्थिवो । एत्थंतरे विन्नत्तो पुरिमसीह - कुमारेण - 'देह मह आएसं, जेणाहमेव गहिऊण समप्पेमि तं महारायस्स' । दिन्नो रन्ना आएसी । नियत्तो सयं राया । चलिओ तुरंगमारूढओ कइवय पहाणजण परिवारो कुमारी । पत्तो तमुद्देसं । दिट्ठो अणेण महिवलय-गयगंध-रायगंध-महमहंतो सग्गाओ समागओ सुरगओ व्व गयवरो । मोत्तूण तुरंग अग्गओ होऊण हक्किओ सो कुमारेण धाविओ तयभिमुहं । संविल्लिऊण पुरओ पक्खित्तमुत्तरिज्जं अणेण परिणओ तत्थ हत्थी । कुमारो वि दंत-मुसलेसु दाऊण चलणे चडिओ हत्थि खंधे, बद्धमासणं अणेण, अप्फालिओ कुंभत्थले करी करयलेण । एत्थंतरे परियणस्स पेच्छंतस्स चेव उप्पईओ हरगल-गवलसामले गयणंगणे, गओ य अगोयरं नयणाणं, पत्तो खणेण वेयड्डपव्वयं । ठिओ तत्थ तरुण-तरुसंड- मंडिउज्जाण - मज्झभागे, सो य कुंजररूवं मोत्तूण जाओ फुरंत मणिकुंडलो विज्जाहरी ।
-
नमिऊण तेण भणियं कुमार ! कंकेल्लि - तरुतले एत्थ । वीसमसु खणं एक्कं जाव अहं रयणपुर पहुणो ॥ ७०७॥
For Private & Personal Use Only
Jain Education International
www.jainelibrary.org
