________________
१०६
सिरिसोमप्पहसूरि-विरइयं तओ तं सव्वं पि वीणा-रव-मो हियं सुन्न - मणं रंग-जणं निरूविऊण बहुरूविणीए विज्जाए कयाइं कुमरेण बहूणि रूवाणि, तेहि वि भमिऊण रंग-मज्ो गहियाओ सोहग्गमंजरीए करंगुलीहिंतो पंच वि मुदियाओ, ०"पुरिसोत्तम-पत्थिव-हत्थाओ कणय-कडगो, अन्लेसिं पि रायतणयाईण संतियं गहिअं असेसं पि कुंडलाईयं०८ आभरणं । न लक्खियं केणावि । कओ रंग-मज्झे आभरण-पुंजो ।
तओ खणंतरं वाईऊण ठिओ कुमारो । विउद्धो रंग-लोओ | दिहो आभरण-रासी । विम्हिओ सव्वो वि जणो । उल्लसिओ साहुवाओअहो ! अच्छेरयं ति भणंतेहिं गयणहिएहिं सुर-सिद्ध-विज्जाहरेहिं मुक्का कुसुमंजली उवरि कुमरस्स । केवलं वामणयरूवत्तणेण विसनो सव्वो वि रंग-जणो, भणिउं पवत्तो अहा- जइ एयरस कला- कोसल्लाणुरुवं रूवं भवेज्ज ता को अग्धं करेज्ज त्ति । इमं च सुणंती विसण्णा सोहग्गमंजरी । चिंतेइ जहा- मए नायं 'एसा चेव सही मह भाववियाणणत्थं एयं वामणगरूवं वाहरइ । जाव न केवलं, एस सव्वो वि रंगजणो वामणगरूवं एयं साहेइ । अहं पुण अमरकुमारोवम-रूवं पेच्छामि। ता किमेयमिंदयालं ?' ति सोयवस-पमिलाण-वयणकमलमालोइऊण रायकल्नं कयं साहावियं रूवं कुमारेण, दिहं सव्वेण वि रंगमंडव-जणेण, भणियं च- अहो ! कुमारस्स कला-कोसल्लं, अहो ! रूव-संपया, अहो ! सोहग्गं, अहो ! सव्व-गुणाणं पि पगरिसो त्ति । इमं च सव्व-रंगजणुल्लावमायग्निऊण तुहा सोहग्गमंजरी । तओ वियसियमुहकमलाए सविलासमुहिऊण ईसि सज्झसवस-वेविरंगीए गहिऊण कोमल-कर-पल्लवे हिं परिमल-मिलंत-मुहलालि-जाला वरमाला पक्खित्ता पुरिससीह-कंठे । जयजयावियं मागहेहि । कुमर-मागहेण वि पढियंविजयसेण-वसुहाहिव-जंदणु,
सयल-भुवण-जण-नयणाणंदणु । पुरिससीहु महि-मंडल-मंडणु .
जयइ कुमरु रिउ-राय-विहंडणु ।।६८८।। 'अहो । सचरियं' ति उग्धोसियं सयल-लोएण । महर-गंभीर-सरतूर-समकालं पणच्चियं पणंगणाहिं, पारद्धो अविहव-विलयाहिं धवल
Jain Education International
For Private & Personal Use Only
www.jainelibrary.org
