________________
सुमइनाह-चरियं
तो विम्हिया कुमारा लज्जोणय वयण-पंकया सव्वे । जाया मुक्तयासा चिंतिउमेवं समारद्धा ||६८२|| अत्थि इमा रइरूवा निरुवम सोक्खाण कारणं जइ वि । जरहर - तक्खय-चूडामणि व्व दुलहा तह वि नूणं ||६८३ || राया वि विसन्नमणो चिंतइ एवं कए वि जइ कह वि । लहइ न निव्वुइमेसा धूया ता देव्व ! किं कुणिमो ? ||६८४|| अह पेम्म-परवसाए सविलास - वलंत - तार - नयणाए । कुमरीए मणेण समं कुमरस्स समप्पिया वीणा || ६८५ || महुर-सरा गुण - पवरा कर-गेज्जा तुंबयत्थणी वीणा । कंठ - विणिवेस - जोग्गा गहिया कुमरि व्व कुमरेण ||६८६|| भणियं अणेण— 'सुंदरं रायसुयाए विन्नाणं, किंतु वीणा न सुंदर' त्ति । रन्ना भणियंकहं चिय ? कुमारेण भणियंजओ न सुद्धो सरो । रन्ना भणियं- केरिसो सुद्धो होइ ? | कुमारेण भणियं— दढं सुइ- सुहंकरो । रन्ना भणियं— एसो वि एरिसो चेव । कुमारेण भणियं अओ वि सुंदरी होइ । रन्ना भणियं— को पुण इह पच्चओ ? कुमारेण भणियं वीणाए चेव सोहियाए उवलब्भइ । रन्ना भणियं— को एईए दोसो ? कुमरेण भणियं- दंडो मज्झ - पविट्ठ - कक्करग - संबंधेण सकलंको, तंती वि गब्भिणी वुड्ड- वालेण । निरूवावियं रन्ना । जाव तहेव संजायं, विम्हिओ राया । संठविऊण आसारिया कुमरेण वीणा । एत्थंतरे भणिया बीअ हिअयभूयाए भद्दाभिहाणाए पिय सहीए सोहग्गमंजरी जहा — पियसहि ! यासारो (?) चेव अउव्वो, उवलक्खिज्जमाण- पयडभेयं सर - मंडलं, विचित्तो गाम-राग- प्पवेसो, हिअयहारिणी मुच्छणुब्भेआ । ता सव्वहा अहिओ एस एयाए कलाए तिहुयणस्स वि भविस्सइत्ति लक्खीयइ । कओ य तए पइन्ना-विसेसो । कुसंठाणो एस वामणगी । ता किमित्थ कायव्वं ? । सोहग्गमंजरीए भणियंअसंबद्धपलाविणि ! न एस वामणगो किंतु तुमं १०४ तिमिरंतरिय - नयणा एवं पेच्छसि ता पडिक्खसु खणं, सुणसु ताव एयं सवणामयं ति ।
एत्थंतरम्मि लोओ निच्चल - नयणो विमुक्त-वावारो । वीणा - मणहर - झंकार- मोहिओ सुविउमाढत्तो०५ ||६८७||
Jain Education International
For Private & Personal Use Only
१०५
www.jainelibrary.org
