________________
१०४
सिरिसोमप्पहसूरि-विरइयं कोऊहलेण सयल-लोए उवरिहिएसु सुर-सिद्ध-विज्जाहरेसु उहिऊण एगेण विअड्ड-कंचुइणा महया सद्देण भणियं--
भो भो नरिंद-तणया ! एआए एत्थ रायधूयाए । सुगुणाणुरागिणीए कया पइण्णा इमा पुव्वं ॥६७६।। जहासव्व-कलाणं पवरा वि लोभणिज्जा य सव्व-जीवाणं । विक्खाय-गुणा लोए एगा वीणा-विणोअ-कला ||६७७।। जो एआइ कलाए अहिओ मे को वि इह कुमाराणं । सो चेव मज्झ दइओ होउ न अत्थिऽत्थ संदेहो ||६७८।। ता पयडेह नियं खलु विन्नाणं एत्थ जस्स जावंतं । पावेह जेण एवं विजय-पडायं व कामरस ||६७१।। एगेण अईव-कला-गन्विएण मग्गिया वीणा । अप्पिया य सोहग्गमंजरीए | आसारिया अणेण | धरिओ पच्चासने मत्त-मयगलो । तओ मणहर-सरेण वाईऊण वीणं सो विओ मयगलो । जाओ साहुवाओ । पुणो वि चिंतियं सोहग्गमंजरीए 'हद्धी न याणीयइ किं पि भविस्सइ ? एए वि रायतणया अईव-कला-कुसला दीसंति | ता जइ अभग्ग-पइना पावेमि हिअ-इच्छियं दईयं ता सोहणं हवेज्ज' ति । एत्थंतरम्मि गहिया अन्लेण वीणा, धराविओ पच्चासने विरहो नाम तरू |. तओ वाईऊण वीणं फुल्लाविओ विरहओ । अनेण गहिया वीणा । वाईऊण मणहरं दूर-देसहिओ वि आगरिसिओ हरिण-जुवाणओ । तओ गहिया अन्लेण, दिल्लो गयवरस्स इह-कवलो । वाईऊण वीणं मोयाविओ सो अद्धभुत्तं कवलं । १० एवमाइ अन्नाणि वि अणेगप्पयाराइं दंसियाई अन्ले हिं वि कुमारेहिं कोऊहलाई । जाओ सव्वेसिं पि साहवाओ । तओ गहिया सोहग्गमंजरीए वीणा । वाईआ अणाए जाव पसुत्तो तक्खणा गयवरो, वमिओ चिरकाल-भुत्तो कवलो, दूराओ चलण-मूले पत्तो मुद्धकुरंगओ०३. आमूलाओ वि फुल्लिओ विरहओ । किं बहुणा ?
तह कहवि तीए वीणा तइया कुमरीए वाईआ तत्थ । समं चिय जायाइं कुमार-कय-कोउगाई जहा ||६८०।। एयं पुण अब्भहियं जाओ सव्वो वि रंगजण-नियरो । जं वज्जिय-वावारो चित्तालिहिओ व्व खणमेक्वं ।।६८१।।
Jain Education International
For Private & Personal Use Only
www.jainelibrary.org
